نازارباەۆ زيياتكەرلٸك مەكتەبٸندەگٸ حيمييا پەنٸنٸڭ مۇعالٸمٸ عالىمجان تٶلەۋشوۆ ەلەۋمەتتٸك جەلٸ ارقىلى ەسەپ شىعارۋدى ٷيرەتٸپ جٷر. «بولاشاق» باعدارلاماسىنىڭ تٷلەگٸ ۇبت-عا دايىندىقتى باستاپ كەتكەن, دەپ حابارلايدى قازاقپارات.
عالىمجان تٶلەۋشوۆ اقتٶبە قالاسىندا بٸلٸم الىپ, مەكتەپ بٸتٸرگەن سوڭ نۇر – سۇلتان قالاسىندا ۇلتتىق ۋنيۆەرسيتەتتە وقىدى. كەيٸن «بولاشاق» باعدارلاماسىمەن تەجٸريبە جينادى. حيمييا عىلىمدارىنىن ماگيسترٸ, ۇلىبريتانييادا تەجٸريبە الماسۋ كۋرسىنىن كاتىسۋشىسى, حالىقارالىق IELTS سەرتيفيكاتى – 7.5. سونىمەن قاتار قازاق ەدەبيەتٸنە دەگەن قىزىعۋشىلىعى زور, ٶلەڭ شىعارادى. شەتەلدە بٸلٸم الىپ كەلگەن سوڭ ەلورداداعى جوعارى وقۋ ورنىندا دەرٸس بەردٸ. كەيٸن اتا-اناسىنىڭ جانىنا كەلٸپ, مەكتەپكە جۇمىسقا ورنالاستى.
«العاشىندا تاقىرىپتىق ەسەپتەرگە سۇرانىس جوعارى بولدى. قازٸر ۇبت سۇراقتارىنا باسىمدىق بەرٸلٸپ جاتىر. YouTube ۆيدەوحوستينگٸندەگٸ كانالدا بٸرىڭعاي قازاق تٸلٸندە ۆيدەو سالىپ جٷرمٸن. اپتاسىنا بٸر رەت بايلانىسقا شىعامىن. بٸر ۆيدەودا 5-6 ەسەپتٸڭ شەشٸمٸ بولادى. 10 مينۋتتان اسىپ كەتسە, ادامدار جالىعىپ كەتەدٸ», - دەدٸ ول. جاس ماماننىڭ «ChemEasy – حيمييا بٸزبەن جەڭٸل» YouTube كانالىندا بٸرىڭعاي قازاق تٸلٸندە ونلاين ساباق مەن ەكسپەريمەنت جٷرگٸزگەنٸنە بٸر جىلدان استى. بۇل يدەيا 12 سىنىپ وقۋشىلارىن كەمبريدج حالىقارالىق ەمتيحانىنا دايىنداۋ بارىسىندا تۋىنداعان. ۇستاز باستاپقى ۋاقىتتا ۆيدەولار اعىلشىن تٸلٸندە تٷسٸرٸلگەنٸن, كەيٸن قازاق تٸلٸنە كٶشكەنٸن ايتتى.
«اعىلشىن تٸلٸندەگٸ ماتەريالداردىڭ كەڭ اۋقىمىن بايقادىم. ال حيمييا پەنٸن وقىتاتىن قازاقشا كانالدار جوقتىن قاسى جەنە اقىلى. ساراپتامادان سوڭ انا تٸلٸمٸزدە شاعىن ۆيدەولاردان تۇراتىن قولجەتٸمدٸ كونتەنت جاساۋدى ۇيعاردىم. YouTube جەلٸسٸنٸڭ اقپاراتتىق رٶلٸن عانا قاراستىرىپ قويماي, وقىتۋ رەسۋرسى رەتٸندە بٸلٸمنٸڭ دامۋىنا جول اشاتىنىڭ اتاپ ٶتۋ كەرەك», – دەيدٸ اقتٶبەلٸك ۇستاز. زيياتكەرلەر ٶزدەرٸنە قىزىقتى تاقىرىپتاردى ۇسىنادى, كانالدى ەرلەندٸرۋ جولدارىمەن كٶمەكتەسەدٸ. الداعى ۋاقىتتا اعىلشىن تٸلٸندە NUFIPET, SAT ەمتيحاندارى باعىتىندا جاڭا ۆيدەولار تٷسٸرۋ جوسپاردا بار. كانالعا 750 ادام جازىلعان. قولدانۋشىلاردىڭ جاسى 13 پەن 24 جاس ارالىعىندا.
«جوسپار بويىنشا اقپاراتتىق پورتال اشىپ, كٷندەلٸكتٸ ساباعىمدى ونلاين ٶتكٸزگٸم كەلەدٸ. بٸر جىلدان سوڭ ٸسكە اسىرىپ, جاڭا باعىتتى قامتۋدى ماقسات ەتتٸم», - دەدٸ ول.
