اقتٶبە وبلىستىق پروكۋراتۋراسى ورتا ارناۋلى بٸلٸم بەرۋ مەكەمەلەرٸن تەكسەردٸ. نەتيجەسٸندە 14 ميلليون تەڭگەگە جۋىق قارجىنىڭ نەگٸزسٸز جۇمسالعانىن انىقتادى, دەپ حابارلايدى قازاقپارات تٸلشٸسٸ.
باس پروكۋراتۋرانىڭ تاپسىرماسىمەن وبلىستىق پروكۋراتۋرا بٸلٸم سالاسىنداعى بيۋدجەتتٸڭ ماقساتتى يگەرٸلۋٸن تەكسەردٸ. ورتا ارناۋلى وقۋ ورىندارىنداعى مەملەكەتتٸك تاپسىرىستى قاراعان پروكۋرورلار بٸرنەشە زاڭسىزدىقتى انىقتادى.
«قىزمەت كٶرسەتۋ قۇنىن نەگٸزسٸز كٶتەرٸپ, وقىمايتىن ستۋدەنتتەرگە اقشا اۋدارىلعانى انىقتالدى. سونىمەن قاتار, جەتٸم بالالارعا تيەسٸلٸ ارنايى شەكٸرتاقى بەرٸلمەي كەلگەن. بارلىعى 49 ستۋدەنتكە ٶزدەرٸنە تيەسٸلٸ 4,3 ميلليون تەڭگە شەكٸرتاقى اۋدارىلدى. سونىمەن قاتار, ستۋدەنتتەر مەجبٷرلٸ تٷردە جۇمىسشىلار كەسٸپوداعىنا مٷشە بولىپ, اي سايىن جارناسىن تٶلەپ وتىرعان. كوللەدجدەردٸ تەكسەرگەن سوڭ بيۋدجەتكە 13,9 ميلليون تەڭگە قايتارىلدى. 50 قىزمەتكەر تەرتٸپتٸك جازاعا تارتىلىپ, تەحنيكالىق, كەسٸپتٸك وقۋ ورنىنىڭ 4 ليتسەنزيياسى ۋاقىتشا توقتاتىلدى», - دەپ حابارلادى وبلىستىق پروكۋراتۋرانىڭ باسپاسٶز قىزمەتٸ.
