فوتو: professional-education.ru
№2 اقتٶبە قالالىق سوتى «ۆىگودنىي دەپوزيت» جشس-ٸن قۇرىپ, ادامدارعا 4 ملرد تەڭگە شىعىن كەلتٸرگەن سوتتالۋشىلارعا ٷكٸم شىعاردى. ولار كٶلٸكتٸ قىمبات باعاعا ساتىپ بەرۋگە ۋەدە ەتكەن, دەپ حابارلايدى قازاقپارات اگەنتتٸگٸ.
№2 اقتٶبە قالالىق سوتى قىلمىستىق كودەكستٸڭ «قارجىلىق (ينۆەستيتسييالىق) پيراميدانى قۇرۋ جەنە وعان باسشىلىق ەتۋ», «ۇيىمداسقان توپ, قىلمىستىق ۇيىم قۇرۋ جەنە ولارعا باسشىلىق ەتۋ, سول سيياقتى ولارعا قاتىسۋ» باپتارى بويىنشا «ۆىگودنىي زايم» جشس-ٸن قۇرىپ, ادامدارعا شىعىن كەلتٸرگەن سوتتالۋشىلارعا ٷكٸم شىعاردى. ٸس ماتەريالىنا سٷيەنسەك, سوتتالۋشى ايماعامبەتوۆ سەرٸكتەستٸكتٸ قۇرىپ, وعان باسشىلىق ەتكەن. ولار اۆتوكٶلٸكتٸ قىمباتقا ساتىپ بەرۋگە ۋەدە ەتكەن. سونىمەن بٸرگە اقشا سالىپ, بەلگٸلٸ بٸر ۋاقىتتا جوعارى پايىزبەن كەرٸ قايتارىپ الۋ شارتىن ۇسىنعان. ەشقانداي دا كەسٸپكەرلٸك باعىتتا دامۋ بولماعان. سٶيتٸپ 2019 جىلدىڭ 30 قاراشاسى مەن 2020 جىلدىڭ اقپانى ارالىعىندا 800-گە جۋىق ادامدى الداپ سوقتى. ٸس بويىنشا 6 ادامعا ايىپ تاعىلىپ, ەلٸمٸزدٸڭ ٷش وبلىسىنان جەبٸرلەنۋشٸلەر تٸركەلدٸ. سوت وتىرىسى كەزٸندە سوتتالۋشىلار ٶز كٸنەسٸن مويىندامادى. قازٸرگٸ كەزدە شىعىن ٶندٸرٸلمەگەن.
«سوتتالۋشى ايماعامبەتوۆكە 10 جىلعا باس بوستاندىعىنان ايىرۋ جازاسى تاعايىندالدى. سونىمەن بٸرگە كوممەرتسييالىق جەنە قارجىلىق ۇيىمداردا باسشىلىق قىزمەت اتقارۋ قۇقىعىنان 7 جىلعا ايىرىلدى. جازاسىن قىلمىستىق-تٷزەتۋ جٷيەسٸنٸڭ قاۋٸپسٸزدٸگٸ مەيلٸنشە جوعارى مەكەمەسٸندە ٶتەيدٸ. ال سوتتالۋشىلار ابۋگاليەۆ, كۋرجيمباەۆ, تاگانوۆ, كاراساەۆ, بەرنييازوۆقا 8 جىلعا باس بوستاندىعىنان ايىرۋ جازاسى تاعايىندالدى. ولار دا كوممەرتسييالىق جەنە قارجىلىق ۇيىمداردا باسشىلىق قىزمەت اتقارۋ قۇقىعىنان 7 جىل ايىرىلدى. جازاسىن قىلمىستىق-تٷزەتۋ جٷيەسٸنٸڭ قاۋٸپسٸزدٸگٸ مەيلٸنشە جوعارى مەكەمەسٸندە ٶتەيدٸ. جەبٸرلەنۋشٸلەردٸڭ شىعىندى ٶندٸرۋ شاعىمى قاناعاتتاندىرىلدى», - دەدٸ №2 قالالىق سوتتىڭ باسپاسٶز قىزمەتٸ.
سوت ٷكٸمٸ زاڭدى كٷشٸنە ەنگەن جوق.
