اقتٶبە وبلىسى مۇعالجار اۋدانىنىڭ ورتالىعى قاندىاعاش قالاسىندا پىشاق جاراقاتىن العان مەكتەپ وقۋشىسىنىڭ جاعدايى جاقسارىپ كەلەدٸ. بۇل تۋرالى مۇعالجار اۋداندىق اۋرۋحاناسى باس دەرٸگەرٸنٸڭ ورىنباسارى بالتابەك قۇسايىنوۆ ايتتى, دەپ حاباراليدى ازاتتىق.
دەرٸگەردٸڭ سٶزٸنشە, ەكٸ سانىنان جارالانعان مەكتەپ وقۋشىسى اۋداندىق اۋرۋحاناعا 18 قاراشاعا قاراعان تٷنٸ تٷسكەن.
- جابىق باس-مي جاراقاتىن العان, ميى شايقالىپ, ٷشكٸر زاتتان ەكٸ سانى جاراقاتتانعان وقۋشىنىڭ قازٸرگٸ جاعدايى تۇراقتى. جاراقاتىن تاڭىپ, تيٸستٸ ەمٸن جاساپ جاتىرمىز. پاتسيەنت 2004 جىلى تۋعان, - دەيدٸ بالتابەك قۇسايىنوۆ.
اقتٶبە وبلىستىق پوليتسييا دەپارتامەنتٸنٸڭ مەلٸمەتٸنشە, قاراشانىڭ 16-17 كٷندەرٸ قاندىاعاش قالاسىندا مەكتەپ وقۋشىلارى تٶبەلەسكەن. «بۇزاقىلىق» بابى بويىنشا قىلمىستىق ٸس قوزعالدى. تەرگەۋ امالدارى جٷرٸپ جاتىر. ٶزگە ەشتەڭە ايتا المايمىز» دەدٸ اقتٶبە وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
مۇعالجار اۋداندىق بٸلٸم بٶلٸمٸ باسشىسىنىڭ مٸندەتٸن اتقارۋشى ەرٸك بۇقارباەۆتىڭ سٶزٸنشە, وقۋشىلار 16 قاراشا كٷنٸ جانجالداسىپ, ەرتەسٸندە تاعى دا تٶبەلەستٸ جالعاستىرعان. ەرٸك بۇقارباەۆ «توپتاسىپ تٶبەلەسۋشٸلەردٸڭ جالپى سانى 15 شاقتى بولعانىن» ايتادى.
- ٸستٸڭ مەن-جايىن پوليتسييا تەكسەرٸپ جاتىر. بٸزدەگٸ مەلٸمەت بويىنشا قاندىاعاش قالاسىنداعى №1, №2 ورتا بٸلٸم بەرەتٸن مەكتەپتەر مەن جەرگٸلٸكتٸ كوللەدج وقۋشىلارى ٶزارا سٶزگە كەلٸپ قالعان. پىشاق جاراقاتىن العان وقۋشى اۋرۋحاناعا بٸردەن بارماعان. جاراقاتى جانىنا باتىپ, جاعدايى اۋىرلاي باستاعاسىن عانا 18 قاراشاعا قاراعان تٷنٸ دەرٸگەرلەر كٶمەگٸنە جٷگٸنگەن, - دەيدٸ ەرٸك بۇقارباەۆ.
بۇعان دەيٸن جەرگٸلٸكتٸ باق اقتٶبەدە كەمەلەتكە تولماعاندار اراسىندا قىلمىس كٶبەيگەنٸن حابارلاعان. 10 قاراشادا اقتٶبەدە 20-عا تارتا وقۋشى تٶبەلەسٸپ, بٸر ادام قازا تاپقان. پوليتسييا "بۇزاقىلىق" جەنە "ادام ٶلتٸرۋ" باپتارى بويىنشا قىلمىستىق ٸس قوزعادى, بٸر ستۋدەنت قاماۋعا الىندى.
