اقتٶبە قالاسىنداعى سٷت زاۋىتى اۋدانىندا ٷي ٶرتەنٸپ كەتتٸ. قازٸر 6 بالالى وتباسى تۋىستارىنىڭ ٷيٸن جاعالاپ جٷر, دەپ حابارلايدى قازاقپارات تٸلشٸسٸ.
اقتٶبە قالاسىندا بايتٶبەتوۆتەر وتباسى دالادا قالدى. ٶرت كەشە جەرگٸلٸكتٸ ۋاقىتپەن ساعات 15:00-دە تٸركەلدٸ.
«بٸر ٷيدە 8 جان تۇرامىز. مەنٸڭ 6 بالام بار. بالامىزدىڭ ٷلكەنٸ 5-سىنىپتا وقيدى, كٸشكەنتايىم - 3 ايلىق. كەشەگٸ ٶرتتەن سوڭ تۋىستارىمىزدى جاعالاپ, پانا ٸزدەپ كەتتٸك. سەبەبٸ سول كەزدە ٷيدە ٷش بالام عانا بولدى. ٸنٸم سىرتتا, گاراج ماڭىندا جٷرٸپ, ٷش بالا دالاعا جالاڭ اياق, جالاڭ باس جٷگٸرٸپ شىققاندا عانا كٶرگەن. ٸشكە كٸرٸپ, قۇجاتتارىن الماق بولدى. بٸراق كٶبٸ جانىپ, ەكٸ بالانىڭ عانا تۋۋ تۋرالى كۋەلٸگٸ قالدى», - دەيدٸ ٷي يەسٸ مۇرات بايتٶبەتوۆ.
ٶرت بولعان كەزدە ٷيدە 10, 5, 2 جاستاعى بالالار عانا بولعان. ويناپ وتىرعان بالالار ويىنشىق الاتىن كەزدە ٶزگە بٶلمەنٸڭ جانىپ جاتقانىن كٶرگەن. ٷي ٸشٸن قارا تٷتٸن باسقان كەزدە قورىققان بالالار كيٸمسٸز دالاعا قاشىپ شىققان. ٷي يەلەرٸ ٶرتتٸڭ نەدەن شىققانىن بٸلمەيدٸ.
«ٶرت كەشە ساعات 15:00-دە بولدى. الدىمەن ٷيٸندەگٸ زاتتارى ٶرتەنٸپ, كەيٸن ٶرت تٶبەگە ۇلاستى. ٶرت سٶندٸرۋ قىزمەتٸنەن 8 ادام 2 اۆتوكٶلٸك باردى. سونىمەن قاتار, اپاتقا مەديتسينا ورتالىعىنان 3 ادام, بٸر اۆتوكٶلٸك جٸبەرٸلدٸ. ٶرت 15:38-دە اۋىزدىقتالىپ, 16:17-دە تولىق سٶندٸرٸلدٸ», - دەپ حابارلادى وبلىستىق تجد باسپاسٶز قىزمەتٸ.
