اقتٶبەدە 88 مەكتەپتە مەكتەپ فورماسىن ساقتاماي وتىرعان 340 وقۋشى انىقتالدى. جىل باسىندا جٷرگٸزٸلگەن مونيتورينگ قورىتىندىسى وسىنداي. ٶڭٸردە ورامال تاققان 32 وقۋشى قىزدى اتا-انالارى ٶزگە ايماقتارعا كٶشٸرٸپ ەكەتكەن. بۇل تۋرالى بٷگٸن اقتٶبە وبلىستىق بٸلٸم جەنە دٸن ٸستەرٸ باسقارمالارىنىڭ باسشىلارى مەلٸمدەدٸ, دەپ حابارلايدى Baq.kz ايماقتىق تٸلشٸسٸ.
اقتٶبەدە باستارىنان ورامالىن شەشپەي, مەكتەپ فورماسىن ساقتاماي وتىرعان وقۋشىلاردىڭ اتا-انالارى جازالانا باستادى. 18 اتا-اناعا 5 اەك كٶلەمٸندە ايىپپۇل سالىنعان. ولاردىڭ بەسەۋٸ قازٸر 12 مىڭ تەڭگە كٶلەمٸندە ايىپپۇلدارىن ٶتەپ, بالالارىن مەكتەپكە قايتا جٸبەردٸ.
«18 اتا-اناعا قاتىستى 5 اەك كٶلەمٸندە ايىپپۇل سالىندى. شالقار, قارعالى, قوبدا, العا, حرومتاۋ اۋداندارىنداعى مەكتەپ وقۋشىلارىن ساباققا جٸبەرمەگەن اتا-انالاردىڭ ٸسٸ قولعا الىندى. قازٸر 5 اتا-انا ٶز ەركٸمەن بيۋدجەتكە بەكٸتٸلگەن ايىپپۇلدى تٶلەدٸ. وسىدان كەيٸن 5 وقۋشى مەكتەپكە قايتارىلدى. وقۋشىعا جاۋاپتى اتا-انا سالىنعان ايىپپۇلدى 30 كٷن ٸشٸندە تٶلەۋٸ شارت. بۇل تۋرالى بارلىعى حاباردار. ەگەر مۇنداي ەكٸمشٸلٸك قۇقىق بۇزۋشىلىق تاعى قايتالانسا, ٸس سوتقا كەتەدٸ. جوعارىدا ايتىلعان 18 ماتەريالدان ٶزگە تاعى 3 ماتەريال كەلٸپ تٷستٸ. مەكتەپ باسشىلىعى اتا-انالاردىڭ ٷستٸنەن شاعىم تٷسٸرٸپ جاتىر», - دەدٸ اقتٶبە وبلىستىق بٸلٸم سالاسىنداعى باقىلاۋ دەپارتامەنتٸ باسشىسىنىڭ مٸندەتٸن اتقارۋشى جانات مۇحامبەتالينا.
اقتٶبەدە جىل باسىندا مونيتورينگ قورىتىندىسى بويىنشا مەكتەپ فورماسىن ساقتاماعان 340 وقۋشى انىقتالعان ەدٸ. قازٸر تالاپتار مەن تٷسٸندٸرۋ جۇمىستارىنىڭ نەتيجەسٸندە ورامال تاققان وقۋشىلارسانى 72-گە ازايعان. 268 قىز بالا مەكتەپكە قايتا باردى.
«قر بٸلٸم جەنە عىلىم مينيسترٸنٸڭ 14 قاڭتار 2016 جىلعى №26 بۇيرىعى نەگٸزٸندە مەكتەپ فورماسىن ساقتاۋ بارلىق اتا-انالارعا بٸردەي تالاپ ەتٸلدٸ. بۇل بويىنشا جۇمىستار جاسالىپ جاتىر. ەر ازاماتتىڭ ٶز پٸكٸرٸن بٸلدٸرۋگە قۇقىعى بار, دەگەنمەن 1 قاڭتار 2018 جىلى وبلىس بويىنشا مەكتەپ فورماسىن 340 وقۋشى ساقتاماعان بولاتىن. 13 ناۋرىزدا سونىڭ 268-ٸ قايتادان مەكتەپ فورماسىن ساقتاپ, ٶز پارتالارىندا وتىر. قالعان بالالارمەن قازٸر جۇمىس جاسالۋدا. سۇراقتار كٶپ. زاڭ بۇزىلىپ تۇرعان جوق. تەك بۇيرىقتى سول بالالارعا جاۋاپتى اتا-انا ورىنداۋعا مٸندەتتٸ. ال, ول ورىندالماي وتىر» , - دەيدٸ وبلىستىق بٸلٸم باسقارماسىنىڭ باسشىسى لەززات ورازباەۆا.
ورامالىن شەشپەگەن 32 وقۋشىنى اتا-اناسى ٶزگە ٶڭٸرلەرگە الىپ كەتسە, 10-ى الماتى قالاسىندا. قالعاندارى وڭتٷستٸك قازاقستان وبلىسىنىداعى مەكتەپتەرگە اۋىسقان. بارلىعى دا بيىلعى 1 قاڭتاردا مەكتەپ فورماسىن ساقتاماعان وقۋشىلار. ماماندار ەكٸ توقسان بويى ساباققا بارماعان قىز بالالاردىڭ مەسەلەسٸ تۋرالى مينيسترلٸككە حات جولداعان.
«قاشىقتىقتان وقىتۋ ەلدەگٸ مەكتەپ تالاپتارىنا قايشى. ال مەكتەپكە كەلمەي وتىرعان 72 بالانىڭ اراسىندا ەكٸ توقسان بويى ساباققا بارماعاندار بار. بۇل جٶنٸندە بٸز قر بٸلٸم جەنە عىلىم مينيسترلٸگٸنە بٸرنەشە رەت حات جولدادىق. قازٸر جاۋابىن كٷتٸپ وتىرمىز. بۇل وقۋشىلاردىڭ سىنىپ جەتەكشٸلەرٸ ولارعا تەلەفون ارقىلى كٶمەكتەسٸپ جاتىر, بٸراق بالالار مەكتەپكە كەلمەگەندٸكتەن, تولىق بٸلٸم بەرۋ ستاندارتىن قابىلداماعاندىقتان, ەكٸ توقسان بويى كٶشٸرٸلمەي وتىر. ەگەر ەكٸ توقسان بويى بٸلٸم الماسا, ودان ەرٸ زاڭ بويىنشا سىنىپتان سىنىپقا كٶشٸرٸلمەيدٸ», - دەدٸ لەززات ورازباەۆا.
ايتا كەتەيٸك, بالالارى مەكتەپكە كٸرە الماي وتىرعان اتا-انالار ەلباسى نۇرسۇلتان نازارباەۆتىڭ, پرەمەر-مينيستردٸ باقىتجان ساعىنتاەۆتىڭ اتىنا ٷندەۋ جازىپ, تاراتقان ەدٸ. جاۋاپتى ماماندار بۇعان قاتىستى پٸكٸر بٸلدٸردٸ.
«ەلباسىمىزدىڭ اتىنا جەرگٸلٸكتٸ ازاماتتار «اقتٶبە وبلىسىندا مۇسىلماندار قىسىمشىلىققا ۇشىراپ جاتىر» دەگەن ٷندەۋ تاراتىلعان ەدٸ. بٸزدٸڭ دٸن ٸستەرٸ باسقارماسى – مەملەكەتتٸك مەكەمە. بٸزگە ارىز ەكٸ كٷن بۇرىن عانا تٷستٸ. ٷندەۋ جازعان ادامداردىڭ بٸرنەشەۋٸمەن ەڭگٸمەلەسٸپ, تٷسٸندٸرۋ جۇمىستارىن جٷرگٸزدٸك. ارنايى ارىز بٸزگە بۇعان دەيٸن تٷسپەدٸ», - دەدٸ وبلىستىق دٸن ٸستەرٸ باسقارماسىنىڭ باسشىسى جولداس قالماعامبەتوۆ.
