اقتٶبە پوليتسيياسى وبلىستىق مەسليحات دەپۋتاتىنا قاتىستى قىلمىستىق ٸستٸ تەرگەپ جاتىر. ال جەبٸرلەنۋشٸ قىز قورعاۋعا الىندى, دەپ حابارلايدى "ۇلت اقپارات".
اقتٶبە وبلىستىق مەسليحاتىنىڭ دەپۋتاتى كەمەلەت جاسىنا تولماعان قىزبەن جىنىستىق قارىم-قاتىناسقا تٷستٸ دەگەن كٷدٸككە ٸلٸكتٸ. بۇل تۋرالى بٸرقاتار ەلەۋمەتتٸك جەلٸ پاراقشاسىندا جارييالاندى. پوليتسييا بۇل ٸسكە قاتىستى تٷسٸنٸك بەردٸ.
«اقتٶبە وبلىسىنىڭ پوليتسييا دەپارتامەنتٸ جەكە تۇلعاعا قارسى قىلمىستىق قۇقىقبۇزۋشىلىق جاساعانى ٷشٸن اقتٶبە قالاسىنىڭ تۇرعىنىنا قاتىستى قىلمىستىق ٸستٸ تەرگەپ جاتىر. قازٸرگٸ ۋاقىتتا كٷدٸكتٸ قر قىلمىستىق-پروتسەستٸك كودەكسi 128-بابىنىڭ تەرتٸبٸمەن اقتٶبە قالاسىنىڭ ۋاقىتشا ۇستاۋ يزولياتورىنا قامالدى. قر قىلمىستىق-پروتسەستٸك كودەكسiنٸڭ 201-بابىنا سەيكەس ٶزگە اقپارات جارييالانبايدى», - دەپ حابارلادى وبلىستىق پد باسپاسٶز قىزمەتٸ.
ال وبلىستىق بٸلٸم باسقارماسى كەمەلەت جاسىنا تولماعان قىزدىڭ جانىندا پسيحولوگتار جۇمىس ٸستەپ جاتقانىن ايتتى.
«كەشە كەلەڭسٸز وقيعانىڭ تٸركەلگەنٸ راس. قازٸر قىلمىستىق ٸس بويىنشا تەرگەۋ جٷرٸپ جاتىر. جەبٸرلەنۋشٸ كەمەلەت جاسىنا تولماعان. سوندىقتان بٸز وقيعانى جارييا ەتە المايمىز. وقۋشى قاۋٸپسٸز جەرگە, ياعني, ارنايى مەكەمەگە ورنالاستىرىلدى. جانىندا تەربيە ٸسٸ جٶنٸندەگٸ مامان, پسيحولوگ, ٸشكٸ ٸستەر ورگاندارىنىڭ ٶكٸلٸ بار. ەشقانداي پسيحولوگييالىق اۋىتقۋى جوق. تولىق ەمەس وتباسىندا تەربيەلەنگەن», - دەيدٸ وبلىستىق بٸلٸم باسقارماسىنىڭ بٶلٸم باسشىسى رايحان نۇرقوجاەۆا.
بۇعان دەيٸن حابارلاعانىمىزداي, اقتٶبە وبلىسى مەسليحاتىنىڭ دەپۋتاتى اركاديي ني زاڭعا قارسى ەرەكەت جاسادى دەگەن كٷدٸكپەن ۇستالدى.
