اقتٶبەدە مەديتسينالىق قارسى كٶرسەتكٸشٸ جوق مەكتەپ مۇعالٸمدەرٸنٸڭ بەرٸ ۆاكتسينا سالدىردى, دەپ حابارلايدى "ۇلت اقپارات".
اقتٶبە وبلىسى بويىنشا 460 مىڭ ادام ۆاكتسينا الۋى كەرەك. قازٸرگٸ كەزدە 211 مىڭنان استامى بٸرٸنشٸ, ال 118 مىڭنان استامى ەكٸ كومپونەنتتٸ دە قابىلدادى.
سونىڭ ٸشٸندە قۇقىق قورعاۋ ورگاندارى, مەديتسينا قىزمەتكەرلەرٸ تٷگەل ۆاكتسينا سالدىردى.
تەك مەديتسينالىق تۇرعىدا كەرٸ كٶرسەتكٸشٸ بار ادامدار ۋاقىتشا يمممۋنداۋ جۇمىسىنان شەتتەتٸلدٸ.
«وبلىستاعى مەكتەپ مۇعالٸمدەرٸ ۆاكتسيناتسييالاۋ جۇمىسى كەزٸندە بەلسەندٸلٸك تانىتتى. ولار ٶزدەرٸنە ارتىلعان جاۋاپكەرشٸلٸكتٸ جاقسى سەزٸنەدٸ. ەرٸ وسى ارقىلى مەكتەپكە قايتا ورالىپ, دەستٷرلٸ تٷردە بٸلٸم الۋعا مٷمكٸندٸك بار»,- دەدٸ وبلىستىق بٸلٸم باسقارماسى باسشىسىنىڭ ورىنباسارى گٷلناز سٷلەيمەنوۆا.
اقتٶبە وبلىسى بويىنشا 18 مىڭنان استام پەداگوگ قازٸر جاڭا وقۋ جىلىنا دايىن. سونىمەن قاتار 10 مىڭنان استام بالا بٸرٸنشٸ سىنىپقا بارادى. ەلٸ دە قۇجات قابىداۋ رەسٸمٸ ٶتٸپ جاتىر.
«بٸز ٷشٸن بالانىڭ قاۋٸپسٸزدٸگٸ ماڭىزدى. مەكتەپكە بارىپ, ونداعى جاعدايدى بٸلدٸم. مۇندا ارنايى QR كود ارقىلى مەرتەبەنٸ انىقتاپ, بٸلۋگە بولادى. كوروناۆيرۋس ينفەكتسيياسىنا قاتىستى اقپاراتتى دا ٷلكەن ەكران ارقىلى بٸلە الامىز»,- دەيدٸ اقتٶبەلٸك تۇرعىن ايسۇلۋ ۋبايتجانوۆا.
اقتٶبە وبلىسى بويىنشا بارلىق ەمحانا مەن ٸرٸ ساۋدا ورىندارىندا ۆاكتسيناتسييا پۋنكتٸ بار. ولار كەشكٸ 20:00-گە دەيٸن جۇمىس ٸستەيدٸ.
ٶڭٸردە يممۋنداۋ شاراسى جالعاسىپ جاتىر.
«اقتٶبە وبلىسى بويىنشا بٸز 460 مىڭ ادامدى قامتيمىز دەپ جوسپارلاپ وتىرمىز. ونىڭ ٸشٸندە 18 مىڭنان استامى پەداگوگ. قازٸرگٸ كەزدە مٷعالٸمدەر تٷگەل ۆاكتسينا سالدىردى. قازٸر مەكتەپكە دەيٸنگٸ مەكەمەلەر مەن ورتا ارناۋلى, جوعارى وقۋ ورىندارى قامتىلىپ جاتىر»,- دەدٸ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ٸزباساروۆ.
