Aqtóbede meditsinalyq qarsy kórsetkishi joq mektep muǵalimderiniń bári vaktsina saldyrdy, dep habarlaidy "Ult aqparat".
Aqtóbe oblysy boiynsha 460 myń adam vaktsina alýy kerek. Qazirgi kezde 211 myńnan astamy birinshi, al 118 myńnan astamy eki komponentti de qabyldady.
Sonyń ishinde quqyq qorǵaý organdary, meditsina qyzmetkerleri túgel vaktsina saldyrdy.
Tek meditsinalyq turǵyda keri kórsetkishi bar adamdar ýaqytsha immmýndaý jumysynan shettetildi.
«Oblystaǵy mektep muǵalimderi vaktsinatsiialaý jumysy kezinde belsendilik tanytty. Olar ózderine artylǵan jaýapkershilikti jaqsy sezinedi. Ári osy arqyly mektepke qaita oralyp, dástúrli túrde bilim alýǵa múmkindik bar»,- dedi oblystyq bilim basqarmasy basshysynyń orynbasary Gúlnaz Súleimenova.
Aqtóbe oblysy boiynsha 18 myńnan astam pedagog qazir jańa oqý jylyna daiyn. Sonymen qatar 10 myńnan astam bala birinshi synypqa barady. Áli de qujat qabydaý rásimi ótip jatyr.
«Biz úshin balanyń qaýipsizdigi mańyzdy. Mektepke baryp, ondaǵy jaǵdaidy bildim. Munda arnaiy QR kod arqyly mártebeni anyqtap, bilýge bolady. Koronavirýs infektsiiasyna qatysty aqparatty da úlken ekran arqyly bile alamyz»,- deidi aqtóbelik turǵyn Aisulý Ýbaitjanova.
Aqtóbe oblysy boiynsha barlyq emhana men iri saýda oryndarynda vaktsinatsiia pýnkti bar. Olar keshki 20:00-ge deiin jumys isteidi.
Óńirde immýndaý sharasy jalǵasyp jatyr.
«Aqtóbe oblysy boiynsha biz 460 myń adamdy qamtimyz dep josparlap otyrmyz. Onyń ishinde 18 myńnan astamy pedagog. Qazirgi kezde múǵalimder túgel vaktsina saldyrdy. Qazir mektepke deiingi mekemeler men orta arnaýly, joǵary oqý oryndary qamtylyp jatyr»,- dedi oblystyq densaýlyq saqtaý basqarmasy basshysynyń orynbasary Bekbolat Izbasarov.
