اقتٶبە قالاسىندا كٶپقاباتتى تۇرعىن ٷيلەردٸڭ بٸرٸندە بولعان قايعىلى وقيعانىڭ مەن-جايى انىقتالدى. بٷگٸن ايزات ەبدٸساماتتىڭ كٷيەۋٸ قايىرجان ەرقاسىموۆ بۇقارالىق اقپارات قۇرالدارىنا سۇحبات بەردٸ, دەپ حابارلايدى قازاقپارات تٸلشٸسٸ.
«بٷكٸل قازاقستاننىڭ شىندىقتى بٸلگەنٸن قالايمىن. اقپارات ەرتٷرلٸ تاراعان. مەن ايزاتتى ليفتتەن ٶزٸم الىپ شىقتىم. قىزىم ٷش جاستا. قىزىم بٸرٸنشٸ قاباتتان ليفتٸگە كٸرٸپ, كەيٸن ايزات كٸرەدٸ. سول اياعىمەن كٸرگەن, وڭ ايعىن ليفت ەسٸگٸ قىسىپ قالدى. ەكٸنشٸ قاباتتاعى ارالىقتا تۇرىپ قالعان. دەنەسٸ ساۋ. اياعىن جۇلىپ كەتپەدٸ. قىزىم ساۋ, قۇلاعان جوق. پەتەر يەلەرٸ كووپەراتيۆٸ تروسىن قاراپ, جٶندەۋ جٷرگٸزٸلگەنٸن ايتىپ جاتىر. شىن مەنٸندە تورستىڭ ەش قاتىسى جوق. ليفت كەدەرگٸ بولعان كەزدە بٸردەن اشىلۋى تيٸس. بٸراق اشىلماعان», - دەدٸ قازا بولعان جۋرناليست ايزات ەبدٸساماتتىڭ كٷيەۋٸ قايىرجان ەرقاسىموۆ.
سوت-ساراپتاما قورىتىندىسىنا سٷيەنسەك, ايزاتتىڭ ٶكپەسٸ قىسىلىپ قالعان.
«ٸشكٸ قۇرىلىسى, ٶكپەسٸ قىسىلىپ, اۋا جەتپەي قالعان. كەيٸن ٸشكٸ قۇرىلىسى جىرتىلىپ كەتكەن. اياعى كەسٸلٸپ قالعان دەگەن اقپارات شىندىققا جاناسپايدى. وقيعا ورنىندا قازا بولدى. كەمەرەۆوداعى وقيعادان سوڭ ٶرت قاۋٸپسٸزدٸگٸ تەكسەرٸلدٸ, وسى جاعدايدان سوڭ ليفتتەردٸ قاداعالاۋ باستالادى. پەتەر يەلەرٸ كووپەراتيۆٸ نە ٸستەرٸن بٸلمەي جٷر. شىن مەنٸندە, بٸزدٸڭ ليفت اپتاسىنا بٸر رەت تۇرىپ قالادى. ليفت تەتٸگٸ دۇرىس ەمەس. بٸردەن اشىلمايتىنىن بۇرىننان بٸلەمٸز», - دەدٸ ول.
ايزات ەبدٸساماتتى كٷيەۋٸ ليفت ٸشٸنەن الىپ شىققان. قىزىن دا ٶزٸ شىعارىپ العان.
«قولىممەن الىپ شىقتىم, قان ەلٸ قالدى. بالامدى سول كٷنٸ اۋرۋحاناعا اپارىپ, تەكسەرتٸپ الدىم. امان-ەسەن. تەك «مامام قىسىلىپ قالدى» دەپ ايتا بەرەدٸ», - دەدٸ قايىرجان ەرقاسىموۆ. ونىڭ ايتۋىنشا, ليفتتە ەكٸ ەسٸك بولعان. قايعىلى وقيعا بولعان كٷنٸ ونىڭ بٸرەۋٸ جابىلماي قالعان.
«مەن جۇمىستان كەلە جاتقان ەدٸم. ماعان تەلەفون شالىپ, «كٷتەمٸز» دەپ ايتتى. اجالى شىعار, سول كٷنٸ جۇمىستان كەش شىقتىم. ەكٸ رەت تەمٸرجول ٶتكەلٸندە تۇرىپ قالدىم. ٷيگە جاقىنداعاندا بٸر ادامنىڭ كٶلٸگٸ توقتاپ قالعانىن كٶرٸپ, وعان دا كٶمەكتەستٸم. بٸر قاراسام, ادامدار جينالىپ قالعان. نە بولدى دەپ ويلادىم. پودەزگە كٸرٸپ, بٸرٸنشٸ قاباتتان ليفتتٸ شاقىردىم. ٸستەمەي تۇردى. «تاعى ٸستەمەي قالعان» دەپ ەكٸنشٸ قاباتقا كٶتەرٸلگەندە, جٷگٸرٸپ جٷرگەن ادامداردى كٶردٸم. جوعارى كٶتەرٸلە بەرٸپ, كەرٸ بۇرىلدىم. سۇراعان كەزدە «جەنششينا بەز سوزنانيە, رەبەنوك پلاچەت» دەپ جاۋاپ قايتاردى. كٸشكەنتاي تەسٸكتەن قاراعاندا قىزىمدى كٶردٸم. ول مەنٸ كٶرٸپ باقىرىپ جٸبەردٸ. سول كەزدە جارىق تا بولمادى. اناسىنىڭ تٷرٸن كٶرمەگەنٸ دە جاقسى بولعان شىعار. كٶز الدىندا بولعان وقيعا ەسٸندە قالاتىن شىعار», - دەدٸ ول.
وقيعا ورنىنا تٶتەنشە جاعدايلار قىزمەتٸ جەتكەنشە قايىرجان ەرقاسىموۆ جانتالاسا ەيەلٸن قۇتقارۋعا كٸرٸسكەن.
«تٶتەنشە جاعداي قىزمەتكەرلەرٸ كەلگەنشە ٶزٸم شىعارىپ الدىم. قاراعان كەزدە ەدەندە جاتىر دەپ ويلاعام. بٸراق ايزات قىستىرىلىپ, ٸلٸنٸپ قالعان ەكەن», - دەدٸ ول.
