فوتو: اقتٶبە وبلىستىق پد باسپاسٶز قىزمەتٸ
اقتٶبە وبلىستىق پد ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ 34 جاستاعى كٷدٸكتٸنٸ اقشا الىپ جاتقان جەرٸنەن ۇستادى. ول بۇرىن سوتتالعان ادام بولىپ شىقتى, دەپ حابارلايدى وبلىستىق پد باسپاسٶز قىزمەتٸ.
«ول ٸرٸ كٶلەمدەگٸ قاراجاتتى قورقىتىپ تالاپ ەتتٸ دەگەن كٷدٸككە ٸلٸكتٸ. كٷدٸكتٸ 2 ميلليون تەڭگە الىپ جاتقان سەتتە قولعا تٷستٸ. تەرگەۋ بارىسىندا ول كەسٸپكەرگە ۇزاق ۋاقىت بويى قىسىم كٶرسەتٸپ, جالپى 7 ميلليون تەڭگە تالاپ ەتكەنٸ انىقتالدى.
قازٸر كٷدٸكتٸ ۋاقىتشا ۇستاۋ يزولياتورىنا قامالدى. اتالعان دەرەك بويىنشا قىلمىستىق كودەكستٸڭ «بوپسالاۋ» بابى بويىنشا سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر»,- دەلٸنگەن حابارلامادا.
ەسكە سالساق, العا اۋدانىندا كوللەدج ستۋدەنتتەرٸ ٶز قاتارلاستارىنان اقشا بوپسالاعان. كٷدٸكتٸنٸڭ بٸرٸنەن پنەۆماتيكالىق تاپانشا تەركٸلەندٸ.
