Foto: Aqtóbe oblystyq PD baspasóz qyzmeti
Aqtóbe oblystyq PD Uiymdasqan qylmysqa qarsy kúres basqarmasynyń qyzmetkerleri 34 jastaǵy kúdiktini aqsha alyp jatqan jerinen ustady. Ol buryn sottalǵan adam bolyp shyqty, dep habarlaidy oblystyq PD baspasóz qyzmeti.
«Ol iri kólemdegi qarajatty qorqytyp talap etti degen kúdikke ilikti. Kúdikti 2 million teńge alyp jatqan sátte qolǵa tústi. Tergeý barysynda ol kásipkerge uzaq ýaqyt boiy qysym kórsetip, jalpy 7 million teńge talap etkeni anyqtaldy.
Qazir kúdikti ýaqytsha ustaý izoliatoryna qamaldy. Atalǵan derek boiynsha Qylmystyq kodekstiń «Bopsalaý» baby boiynsha sotqa deiingi tergep-tekserý júrgizilip jatyr»,- delingen habarlamada.
Eske salsaq, Alǵa aýdanynda kolledj stýdentteri óz qatarlastarynan aqsha bopsalaǵan. Kúdiktiniń birinen pnevmatikalyq tapansha tárkilendi.
