اقتٶبەدە پوليتسييا كٶلٸكتەردٸ جاپپاي تەكسەرٸپ جاتىر. ەكٸ ساعاتتا 50 كٶلٸك اۆتوتۇراققا قويىلدى, دەپ حابارلايدى "ۇلت اقپارات".
«ٸرٸ ٶندٸرٸس ورىندارى ٶز جۇمىسشىلارىنىڭ كٶلٸگٸن ەكٸمدٸك ارقىلى «سەرگەك» باعدارلاماسىنا تٸركەۋٸ قاجەت ەدٸ. وندا ادامداردىڭ جۇمىس ۋاقىتى, كٷندەرٸ انىق جازىلۋى تيٸس. بٷگٸن تاڭەرتەڭ كٶلٸك يەلەرٸن جاپپاي تەكسەرۋ باستالدى. ەكٸ ساعاتتا 50-دەن استام ادام ەكٸمشٸلٸك جاۋاپقا تارتىلىپ, كٶلٸگٸ ارنايى تۇراققا قويىلدى. ولاردا انىقتاما قۇجاتى بولمادى, سونىمەن بٸرگە كەسٸپورىن باسشىلارى جۇمىسشىلارىنىڭ قاۋٸپسٸزدٸگٸنە سەلسوق قاراعان. سونىڭ ٸشٸندە كوممۋنالدىق مەكەمەلەر مەن ازىق-تٷلٸك, دەرٸ-دەرمەك تاسىمالداۋشىلار دا بار», - دەدٸ وبلىستىق جەرگٸلٸكتٸ پوليتسييا قىزمەتٸنٸڭ بٶلٸم باستىعى ايدوس قۇلجانوۆ.
ايتا كەتەيٸك, ٶڭٸردە بارلىعى 600-دەن استام قۇقىقبۇزۋشىلىق تٸركەلدٸ. ەكٸمشٸلٸك قۇقىق بۇزۋ تۋرالى كودەكستٸڭ «تٶتەنشە جاعداي رەجيمٸن بۇزۋ» بابى بويىنشا 138 ادام قامالدى.
سونىمەن بٸرگە 200-گە جۋىق ادامعا ايىپپۇل سالىندى. بەيبەرەكەت كٶشەدە جٷرگەن ادامداردىڭ كٶبٸنە ەسكەرتۋ بەرٸلدٸ. ال «تٶتەنشە جاعدايدا قۇقىق تەرتٸبٸن بۇزۋعا يتەرمەلەيتٸن ٸس-ەرەكەتتەر» بابى بويىنشا 12 ادام قامالعان. سوتقا جٸبەرٸلگەن ماتەريالدار دا بار.
پوليتسييا بلوكپوستتى اينالىپ ٶتپەك بولعان ادامداردى ەلٸ انىقتاپ جاتىر. ٶڭٸردە 31 دەرەك تٸركەلگەن. پوليتسييا قالا تۇرعىندارىنا ەل ٸشٸندەگٸ شەكتەۋلەردٸ قاتاڭ ساقتاۋعا, ٷيدە وتىرۋعا كەڭەس بەرەدٸ.
