اقتٶبەدە پوليتسەيلەر ەسٸرتكٸگە ەلٸتٸپ, رۋلگە وتىرعان ەكٸ جٷرگٸزۋشٸنٸ انىقتادى, دەپ حابارلايدى "ۇلت اقپارات".
اقتٶبە قالاسىنداعى ش.قالداياقوۆ كٶشەسٸندە پاترۋلدٸك پوليتسييا قىزمەتكەرلەرٸ بانكتەردٸڭ بٸرٸنٸڭ مەنەدجەرٸ رۋلدە وتىرعان «Daewo Nexia» اۆتوكٶلٸگٸن توقتاتتى. 26 جاستاعى جٷرگٸزۋشٸ بۇعان دەيٸن دە كٶلٸك قۇرالىن باسقارۋ قۇقىعىنان ايىرىلعان, «كاننابيويدتاردى» پايدالانىپ, ماس كٷيٸندە كٶلٸكتٸ باسقارعان.
«سول كٷنٸ بٶكەنباي باتىر كٶشەسٸندەگٸ «داستان« قوناق ٷيٸنە قاراما-قارسى بەتتە پوليتسييا قىزمەتكەرلەرٸ 38 جاستاعى جٷرگٸزۋشٸنٸڭ باسقارۋىنداعى «ۆاز-21140« اۆتوكٶلٸگٸن توقتاتتى. ول دا بۇرىن كٶلٸك قۇرالىن باسقارۋ قۇقىعىنان ايرىلىپ, اۆتوكٶلٸكتٸ ەسٸرتكٸگە ماساڭ كٷيدە كٶلٸك باسقارعان. ەكٸ دەرەك بويىنشا دا قىلمىستىق كودەكستٸڭ «كٶلٸك قۇرالىن باسقارۋ قۇقىعىنان ايىرىلعان, الكوگولدٸك ماساڭ كٷيدەگٸ ادامنىڭ كٶلٸك قۇرالىن باسقارۋى« بابى بويىنشا تەرگەۋ ەرەكەتتەرٸ جٷرگٸزٸلٸپ جاتىر. كٶلٸك قۇرالدارى ارنايى تۇراققا قويىلدى»,- دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
