Aqtóbede politseiler esirtkige elitip, rýlge otyrǵan eki júrgizýshini anyqtady, dep habarlaidy "Ult aqparat".
Aqtóbe qalasyndaǵy Sh.Qaldaiaqov kóshesinde patrýldik politsiia qyzmetkerleri bankterdiń biriniń menedjeri rýlde otyrǵan «Daewo Nexia» avtokóligin toqtatty. 26 jastaǵy júrgizýshi buǵan deiin de kólik quralyn basqarý quqyǵynan aiyrylǵan, «kannabioidtardy» paidalanyp, mas kúiinde kólikti basqarǵan.
«Sol kúni Bókenbai batyr kóshesindegi «Dastan« qonaq úiine qarama-qarsy bette politsiia qyzmetkerleri 38 jastaǵy júrgizýshiniń basqarýyndaǵy «VAZ-21140« avtokóligin toqtatty. Ol da buryn kólik quralyn basqarý quqyǵynan airylyp, avtokólikti esirtkige masań kúide kólik basqarǵan. Eki derek boiynsha da Qylmystyq kodekstiń «Kólik quralyn basqarý quqyǵynan aiyrylǵan, alkogoldik masań kúidegi adamnyń kólik quralyn basqarýy« baby boiynsha tergeý áreketteri júrgizilip jatyr. Kólik quraldary arnaiy turaqqa qoiyldy»,- dedi oblystyq PD baspasóz qyzmetiniń jetekshisi Erbolat Sarqulov.
