اقتٶبە سوتى 21 جەلتوقسان كٷنٸ وبلىستىق ٸشكٸ ٸستەر دەپارتامەنتٸ (ٸٸد) باسشىسىنىڭ بۇرىنعى ورىنباسارى راحات احانوۆتى ەكٸ اي مەرزٸمگە قاماۋعا الۋعا سانكتسييا بەردٸ. سۋديا زينايدا شميروۆانىڭ ايتۋىنشا, راحات احانوۆ پوليتسييادا لاۋازىمدى قىزمەت اتقارا جٷرە "مۇناي ۇرلىعىمەن اينالىسقان ۇيىمداسقان قىلمىستىق توپقا قولداۋ كٶرسەتكەن". تەرگەۋ وعان قىلمىستىق كودەكستٸڭ 197-بابى 4-بٶلٸمٸنٸڭ 1-پۋنكتٸ مەن 262-بابى 3-بٶلٸمٸ بويىنشا ايىپ تاعىپ وتىر.
مەملەكەتتٸك ايىپتاۋشى ايبەك شوقپاروۆتىڭ سٶزٸنە قاراعاندا, 2014-2016 جىلدار ارالىعىندا راحات احانوۆ "پوليتسييادا باسشىلىق قىزمەت اتقارا جٷرە زاڭسىز مۇناي اينالىمىنان كٶلدەنەڭ تابىس تاپقان". كٷدٸكتٸ ٶزٸنە تاعىلعان ايىپپەن مٷلدەم كەلٸسپەيدٸ.
راحات احانوۆ 2015 جىلعى ماۋسىم ايىنا دەيٸن بەس جىل بويى اقتٶبە وبلىستىق ٸٸد باسشىسىنىڭ بٸرٸنشٸ ورىنباسارى بولعان.
- ٸشكٸ ٸستەر مينيسترلٸگٸ ماعان وسى مەسەلەمەن اينالىسۋ ٷشٸن بٸر اي مەرزٸم بەردٸ. مەرەكە ٶتكەن سوڭ استانادان اقتٶبەگە كەلٸپ, تەرگەۋگە قولداۋ كٶرسەتپەك بولىپ جٷرگەنمٸن. تەرگەۋگە كەدەرگٸ كەلتٸرەيٸن دەگەن ويىم بولعان ەمەس. وتباسىلى اداممىن. ناۋقاس انام بار. ٶز دەنساۋلىعىم دا ناشار. سول قولىم ۇيىپ قالا بەرەدٸ. ەرٸ پوگون تاعىپ جٷرگەن اداممىن. ماعان سەنۋگە بولادى. مەنٸ يزولياتورعا قاماماي, ٷيقاماققا الۋلارىڭىزدى سۇرايمىن, - دەدٸ راحات احانوۆ سوت الدىندا سٶيلەگەن سٶزٸندە.
راحات احانوۆ 19 جەلتوقسان كٷنٸ استانادا ۇستالعان. كٷدٸكتٸ مەن ونىڭ ادۆوكاتىنىڭ ٶتٸنٸشٸنە قاراماستان سوت ونى ەكٸ ايعا قاماۋ تۋرالى شەشٸم قابىلدادى.
اقتٶبە وبلىسى مەن قازاقستاننىڭ كەيبٸر ايماعىندا 7 جەلتوقسان كٷنٸ جٷرگٸزٸلگەن ارنايى وپەراتسييا بارىسىندا مۇناي جەنە مۇناي ٶنٸمدەرٸن ۇرلاۋمەن جەنە زاڭسىز تاسىمالداۋمەن اينالىسقان دەگەن كٷدٸكپەن بٸرنەشە ادام ۇستالعان بولاتىن. تەرگەۋ لاۋازىمدى پوليتسەي راحات احانوۆ وسى توپقا قولداۋ كٶرسەتكەن دەپ سانايدى.
ۇقك جەلتوقساننىڭ 7-سٸ كٷنٸ كوميتەت قىزمەتكەرلەرٸ مەن كوررۋپتسيياعا قارسى ٸس-قيمىل ۇلتتىق بيۋروسى جەنە ٸشكٸ ٸستەر مينيسترلٸگٸ بٸرلەسٸپ اقتٶبە جەنە تاعى كەي ايماقتا "مۇناي ٶنٸمدەرٸن جىمقىرۋمەن اينالىسقان" دەگەن كٷدٸككە ٸلٸنگەن توپتىڭ جولىن كەسۋ وپەراتسيياسىن جٷرگٸزگەنٸن حابارلاعان. ارنايى قىزمەت قانشا ادام ۇستالعانى, تۇتقىنداۋ قاي جەردە بولعانى تۋرالى ناقتى اقپارات بەرمەدٸ. وپەراتسييا بارىسىندا كٷدٸكتٸلەردەن ٶزگە مۇناي مەن مۇناي ٶنٸمدەرٸ بار اۆتوتسيستەرنالار دا تەركٸلەنگەن.
ۇقك سونىمەن قاتار "مۇناي ۇرلاۋمەن اينالىسقانداردى قورعاشتاعان راديكالدى سالافيزم باعىتىن ۇستاناتىن قىلمىستىق توپتىڭ بٸرنەشە مٷشەسٸ ۇستالعانى" تۋرالى دا حابارلاعان.
