اقتٶبە وبلىسىندا بٸر اپتادا 11 توي يەسٸنە 7 ميلليون تەڭدەگەن استام ايىپپۇل سالىندى, دەپ حابارلايدى "ۇلت اقپارات".
ٶتكەن تەۋلٸكتە ٶڭٸردە 10 ادامنان كوروناۆيرۋس ينفەكتسيياسى انىقتالدى. ونىڭ التاۋى قالا تۇرعىنى.
وبلىستىڭ باس مەملەكەتتٸك سانيتارييالىق دەرٸگەرٸ نۇرسۇلۋ بەركٸمباەۆانىڭ حابارلاۋىنشا, تٶرتەۋٸ زەينەتكەر. بوس ۋاقىتى كٶپ, الاڭسىز جٷرگەن ولار كٶبٸنە قوناققا بارىپ, دٷكەن ارالاپ دەرتكە شالدىققان. ال تٶرتەۋٸ مەرتٶك اۋدانىنان. ونىڭ ٸشٸندە ەكەۋٸ رەسەيدەن كەلگەن جامبىل وبلىسىنىڭ تۇرعىنى.
اۋرۋدىڭ تاراۋ دەڭگەيٸ بٸر كٷندە 0,3% قۇرادى. جالپى وبلىستا 3395 جاعداي تٸركەلدٸ. ادامداردىڭ 97 % جۋىعى جازىلىپ شىقتى. ٷي كارانتينٸندە 263 اقتٶبەلٸك جاتىر.
«3-9 قاراشا كٷندەرٸ ارالىعىندا مەيرامحانالاردا 11 توي ٶتكٸزٸلگەن. ولارعا 7,2 ميلليون تەڭگەگە ايىپپۇل سالىندى. قازٸر وبلىستا ەپيداحۋال تۇراقتى. ەگەر بٸز بەتپەردە تاعىپ, اراقاشىقتىقتى ساقتاساق, جاعداي قالىپتى بولادى. سونداي-اق ٶڭٸردە وقۋشىلاردان COVID-19 انىقتالمادى. وقۋشى سانى 300-دەن اسپايتىن مەكتەپتەر دەستٷرلٸ وقۋ تەرتٸبٸنە كٶشەدٸ. قازٸر قاۋلى دايىندالىپ جاتىر», - دەدٸ اقتٶبە وبلىسىنىڭ باس مەملەكەتتٸك سانيتارييالىق دەرٸگەرٸ نۇرسۇلۋ بەركٸمباەۆا.
ايتا كەتەيٸك, ٶڭٸردە 2 بالاباقشا بالاسىنان كوروناۆيرۋس ينفەكتسيياسى انىقتالىپ, ەكەۋٸ دە كارانتينگە جابىلعان. ال توپ بالالارى مەن تەربيەشٸدەن پتر تەست الىنعان.
