اقتٶبەدەگٸ ەسكەري بٶلٸمدە بورىشىن ٶتەيتٸن سارباز "جاعىمسىز يٸس شىعارعانىم ٷشٸن جازىقتى بولىپ جازالاندىم" دەيدٸ. باسىنان قاتتى سوققى العان الدييار كەڭەسبەك قازٸر ٷيٸندە ەمدەلٸپ جاتىر, دەپ حابارلايدى ktk ارناسى.
"سەرجانتتىڭ كەسٸرٸنەن ۇلىم كەم بولىپ قالدى" دەگەن اتا-انا باۋىر ەتٸ بالاسىنا قييانات جاساعان ەسكەري قىزمەتكەردٸ قاتاڭ جازالاۋدى سۇرايدى. ەرٸ وتان الدىنداعى بورىشى تولىق ٶتەلمەگەنٸنە قاراماستان, ۇلىن ەسكەرگە قايتا جٸبەرگٸسٸ جوق.
ەسكەرگە ون ەكٸ مٷشەسٸ ساۋ كەتكەن الدييار كەڭەسبەكتٸڭ قازٸرگٸ جاعدايى اۋىر. تەپسە تەمٸر ٷزەتٸن ازامات ٷش ايدا تٶسەكتەن تۇرا المايتىن حەلگە تٷسكەن.
تۋىستارى ونى اقتٶبەدەگٸ 6655 ەسكەري بٶلٸم سەرجانتىنىڭ سوققىسى وسىنداي كەسەلگە دۋشار ەتكەن دەيدٸ. قازٸر 18 جاستاعى ازامات ٷيٸندە ەمدەلٸپ جاتىر.
ول ماۋسىم ايىندا تارازدان ەسكەري بورىشىن ٶتەۋگە بارعان. جەبٸرلەنۋشٸ جاتار الدىندا كازارمادا جەل جٸبەرٸپ قويعان. سول ٷشٸن سەرجانتتان وڭباي تاياق جەدٸم دەيدٸ.
"بايقاماي جەل شىعارىپ قويدىم. اينالامداعىلاردىڭ بەرٸ "فۋي" دەپ كەتتٸ. باسقا جاققا بارىپ تۇرعانمىن. "كٸم وسىردى" دەپ سۇرادى? "مەن" - دەدٸم. سەرجانت باسىمنان ورىندىقپەن ۇردى. ارى قاراي ەسٸمدٸ بٸلمەيمٸن, تالىپ قالدىم. سانيتارلىق بٶلٸمگە اپاردى, سول جەردەن ەسٸمدٸ جيدىم", - دەيدٸ الدييار كەڭەسبەك.
جاس جاۋىنگەر اياعىنان تۇرا المايتىن حەلگە جەتكەن. بٸراق وسى قيىن جاعدايىمەن ول ەكٸ اي سٷيرەتٸلٸپ, اقىرى اۋرۋحاناعا جاتقىزىلىپتى. سول جەردەن بەلگٸسٸز بٸرەۋ ناۋقاستىڭ تۋىستارىنا حابار بەرگەن. اقتٶبەگە شۇعىل جەتكەن ەكەسٸ ۇلىن تارازعا الىپ قايتادى. 7-قازاندا ەمدەۋگە بەرٸلگەن دەمالىس مەرزٸمٸ اياقتالىپ, الدييار قايتا ورالۋعا تيٸس. بٸراق ەكەسٸ ۇلىن جٸبەرگٸسٸ جوق.
"قايتٸپ جٸبەرەمٸن? ٶتكەندە مەن بارماعاندا بالانىڭ ٶلٸگٸن ەكەلەدٸ ەكەنمٸن, شىنىن ايتقاندا!" - دەيدٸ الديياردىڭ ەكەسٸ كەڭەسبەك ەبدٸرايموۆ.
اقتٶبەدەگٸ 6655 ەسكەري بٶلٸمٸ جاعدايعا قاتىستى رەسمي تٷسٸنٸكتەمە بەرمەدٸ. ەسەسٸنە, ەسكەري پروكۋراتۋرا «قىزمەت بابىن اسىرا پايدالانۋ» بابى بويىنشا ٸس قوزعالعانىن مەلٸمدەدٸ.
"2022 جىلدىڭ 20 قىركٷيەگٸندە ۇلتتىق ۇلاننىڭ 6655 ەسكەري بٶلٸمٸندە قىزمەتتٸك ٶكٸلەتتٸگٸن اسىرا پايدالانۋ دەرەگٸ بويىنشا باتىس ٶڭٸرلٸك ەسكەري تەرگەۋ باسقارماسىنىڭ اقتٶبە بٶلٸمٸ 451-باپتىڭ 1-بٶلٸگٸ بويىنشا سوتالدى تەرگەپ-تەكسەرۋدٸ باستادى", - دەدٸ اقتٶبە گارنيزونىنىڭ ەسكەري پروكۋرورى جانداربەك سپان.
كەڭەسبەك ەبدٸرايىموۆ ۇلى كەمتار بولىپ قالا ما دەپ قاۋٸپتەنەدٸ. ول بالاسىنا ەلٸمجەتتٸك جاساعان ەسكەريدٸ ەشقاشان كەشٸرمەيمٸن دەيدٸ. سوندىقتان ونى بۇل سالادان الاستاتىپ قانا قويماي, قاتاڭ جازالاۋدى تالاپ ەتەدٸ.
