فوتو: aikyn.kz
اقتٶبەدە ەرٸپتەسٸن الداپ, اتىنان 7,7 ميلليون تەڭگە نەسيە رەسٸمدەپ, كەيٸن قىلمىسىن جاسىرۋ ٷشٸن ٶلتٸرٸپ تاستاعان ەر ادام 20 جىلعا سوتتالدى, دەپ حابارلادى وبلىستىق سوتتىڭ باسپاسٶز قىزمەتٸ.
قىلمىستىق ٸس اقتٶبە وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالدى. ٸس ماتەريالدارىنا سەيكەس, سوتتالۋشى ل. زاۋىتتا بٸرگە ٸستەيتٸن ەرٸپتەسٸ ك.-مەن داۋلاسقاننان كەيٸن ودان اقشا بوپسالاۋعا شەشٸم قابىلداعان.
2025 جىلدىڭ سەۋٸر ايىندا ول ك.-نى ٷيٸنٸڭ الدىندا توسىپ, كٶلٸگٸمەن قالا سىرتىنداعى ايماققا اپارعان. سول جەردە جەبٸرلەنۋشٸنٸ تەلەفونى ارقىلى 7,7 ميلليون تەڭگە نەسيە رەسٸمدەۋگە مەجبٷرلەپ, اقشانى تانىسى ۋ.-دىڭ ەسەپشوتىنا اۋدارعان.
قىلمىستى جاسىرۋ ٷشٸن ل. ەرٸپتەسٸن شٷبەرەكپەن قىلعىندىرىپ ٶلتٸرٸپ, مەيٸتٸن العا اۋدانى اۋماعىنا اپارىپ كٶمٸپ تاستاعان. تەرگەۋ بارىسىندا ۋ. اسا اۋىر قىلمىستى جاسىرىپ قالعانى ٷشٸن جاۋاپقا تارتىلدى.
سوت ٷكٸمٸمەن:
ل. قر قىلمىستىق كودەكسٸنٸڭ 99-بابىنىڭ 2-بٶلٸگٸ (ادام ٶلتٸرۋ) جەنە 194-بابىنىڭ 3-بٶلٸگٸ (ٸرٸ مٶلشەردە قورقىتىپ الۋ) بويىنشا كٸنەلٸ دەپ تانىلىپ, 20 جىلعا باس بوستاندىعىنان ايىرىلدى;
ۋ. قر قك-نٸڭ 432-بابى (قىلمىستى جاسىرۋ) بويىنشا كٸنەلٸ دەپ تانىلىپ, 3 جىل 2 ايعا باس بوستاندىعىنان ايىرىلدى, بٸراق كونستيتۋتسييانىڭ 30 جىلدىعىنا وراي راقىمشىلىق زاڭىمەن جازاسى جەڭٸلدەتٸلدٸ.
سوتتالۋشىلاردىڭ كٸنەسٸ بەينەباقىلاۋ جازبالارى, ساراپتاما قورىتىندىلارى جەنە زاتتاي ايعاقتارمەن دەلەلدەندٸ.
جەبٸرلەنۋشٸ تاراپ سوتتان قاتاڭ جازا تاعايىنداۋدى تالاپ ەتكەن. سوت ٷكٸمٸ ەلٸ زاڭدى كٷشٸنە ەنگەن جوق.
