فوتو: ٸnstagram.com/abat_izimgaliuly
اقتٶبە وبلىستىق قىلمىس ٸستەر جٶنٸندەگٸ سوت القاسىنىڭ قاۋلىسىمەن №2 اقتٶبە قالالىق سوتىنىڭ ٷكٸمٸ ٶزگەرتٸلدٸ. قىلمىستىق كودەكستٸڭ «الاياقتىق» بابى بويىنشا سوتتالىپ, باس بوستاندىعىنان ايرىلعان الماتى اۋدانىنىڭ بۇرىنعى ەكٸمٸ ابات كٶبەنوۆ تٷرمەدەن بوساپ شىقتى, دەپ حابارلايدى قازاقپارات اگەنتتٸگٸ.
№2 اقتٶبە قالالىق سوتى ابات كٶبەنوۆتٸ قىلمىستىق كودەكستٸڭ «الاياقتىق» بابى بويىنشا ايىپتى دەپ تانىپ, ٷش جىلعا باس بوستاندىعىنان ايىرعان بولاتىن. ٸس ماتەريالى بويىنشا ول 2020 جىلى قىزمەتتٸك ٶكٸلەتتٸلٸگٸن اسىرا پايدالانىپ, تانىسىنا جەر تەلٸمٸن بەرۋگە ۋەدە ەتكەن. سول قىزمەتٸ ٷشٸن ودان 1 383 915 تەڭگە اقى العان. سوت ٷكٸمٸمەن ا. كٶبەنوۆ ٷش جىلعا باس بوستاندىعىنان ايرىلدى. ول ٶمٸر بويى مەملەكەتتٸك قىزمەتتە ەڭبەك ەتە المايتىنى تۋرالى ٷكٸم شىعارىلدى.
«ٸسكە قاتىستى اپپەلياتسييالىق شاعىم تٷستٸ. اپپەلياتسييالىق سوت وتىرىسى كەزٸندە پروكۋرور ا. كٶبەنوۆكە قاتىستى ٷكٸمدٸ ٶزگەرتٸپ, ايىپپۇل تٷرٸندەگٸ جازا تاعايىنداۋدى سۇرادى. اپپەلياتسييالىق سوت وتىرىسى كەزٸندە دە ابات كٶبەنوۆ ايىپتى دەپ تانىلدى. ٶز ٸسٸنە ٶكٸنٸپ, اقشانى تٷگەل قايتارعانىن ايتتى. ونىڭ ٷش بالاسى مەن كەرٸ اناسى بار. سوت القاسى وسىنى ەسكەرٸپ, ابات كٶبەنوۆكە قاتىستى باس بوستاندىعىنان ايىرۋ جازاسىن الىپ تاستادى», - دەپ حابارلادى اقتٶبە وبلىستىق سوتىنىڭ باسپاسٶز قىزمەتٸ.
ەندٸ ا. كٶبەنوۆ 13 ملن تەڭگەدەن استام ايىپپۇل تٶلەيدٸ. اپپەلياتسييالىق قاۋلى زاڭدى كٷشٸنە ەندٸ.
