فوتو: اشىق دەرەككٶز
اقتٶبە قالاسىنىڭ №2 سوتى 136 ادامدى الداپ, 579 ملن تەڭگەدەن استام قارجىنى يەمدەنگەن ەمشٸ سۇلۋشاش قازباەۆاعا ٷكٸم شىعاردى. ول الاياقتىق جاساعانى ٷشٸن كٸنەلٸ دەپ تانىلىپ, 6 جىل 8 ايعا باس بوستاندىعىنان ايىرىلدى, دەپ حابارلايدى Ult.kz.
تەرگەۋ مەلٸمەتٸنشە, قازباەۆا ازاماتتاردى مەشٸت سالۋ, بالاسىن شەتەلدە ەمدەتۋ جەنە ەمشٸلٸك قىزمەتٸن كەڭەيتۋ سىندى سىلتاۋلارمەن بانكتەردەن نەسيە الۋعا كٶندٸرٸپ, اقشانى ٶز پايداسىنا جاراتقان. ال الىنعان قاراجاتتى قايتارۋعا نيەتتٸ بولماعان.
جەبٸرلەنۋشٸلەرگە كەلتٸرٸلگەن جالپى شىعىن — 579 ميلليون تەڭگە.
سوتتا قازباەۆا ٶز كٸنەسٸن مويىندامادى. پروكۋرور ونىڭ ەرەكەتٸن الاياقتىق دەپ باعالاپ, جەبٸرلەنۋشٸلەردٸڭ ازاماتتىق تالاپتارىن قاناعاتتاندىرۋدى سۇراعان. سوت بۇل تالاپتاردى ٸشٸنارا ورىندادى.
سوتتالعان ەيەل جازاسىن ەكٸ جىلدان كەيٸن ٶتەۋدٸ باستايدى — سول كەزدە ونىڭ بالاسى 14 جاسقا تولادى. ٷكٸم زاڭدى كٷشٸنە ەلٸ ەنگەن جوق.
