قوستاناي جەنە اقتٶبە وبلىسىندا مەجبٷرلٸ تٷردە مال باعىپ, قۇلدىقتا كٷن كەشكەن ەكٸ ازامات قۇتقارىلدى, دەپ حابارلايدى "ۇلت اقپارات".
«قوستاناي وبلىسىندا مەجبٷرلٸ ەڭبەككە تارتۋ فاكتٸسٸ تٸركەلدٸ. شارۋا قوجالىعى بار ادام ەكٸ جارىم جىل بويى وبلىستىڭ 21 جاستاعى تۇرعىنىن مەجبٷرلٸ تٷردە جۇمىس ٸستەتٸپ كەلگەن. جاس جٸگٸتكە قوي, سيىر مەن جىلقى باقتىرعان», - دەدٸ باسپاسٶز مەسليحاتىندا ٸٸم باسپاسٶز قىزمەتٸنٸڭ قىزمەتكەرٸ كەمٸل عاليەۆ.
بۇل ٸسكە قاتىستى قىلمىستىق كودەكستٸڭ 126-بابى 3-بٶلٸگٸ 2-تارماعى بويىنشا (زاڭسىز باس بوستاندىعىنان ايىرىلعان ادامدى قاناۋ) سوتقا دەيٸنگٸ تەرگەۋ امالدارى باستالدى. ال زارداپ شەككەن جٸگٸت داعدارىس ورتالىعىنا جەتكٸزٸلگەن. وعان قاجەتتٸ كٶمەك كٶرسەتٸلٸپ جاتىر.
«اقتٶبە وبلىسىندا دا وسىعان ۇقساس قىلمىس بويىنشا پوليتسيياعا شارۋا قوجالىق يەسٸ جەتكٸزٸلدٸ. ول ٶزبەكستاننان كەلگەن 58 جاستاعى ازاماتتىڭ قۇجاتىن تارتىپ الىپ, كٷش كٶرسەتٸپ, بٸر جىل بويى مەجبٷرلٸ تٷردە ەڭبەككە جەگٸپ كەلگەن. زارداپ شەككەن ازامات قوي باعىپ, سارايدا ٶمٸر كەشكەن. قازٸر بۇل ٸسكە قاتىستى قىلمىستىق كودەكستٸڭ 128-بابى بويىنشا (ادام ساۋداسى) سوتقا دەيٸنگٸ تەرگەۋ امالدارى باستالدى», - دەيدٸ ول.
