فوتو: qazaly.kz
بٸر مۇعالٸمنٸڭ 5 پەن بويىنشا ساباق بەرۋٸن تولىق توقتاتتىق. بۇل تۋرالى اقتٶبە وبلىسىنىڭ ەكٸمٸ ەرالى توعجانوۆ ايتتى, دەپ حابارلايدى قازاقپارات.
«ەڭ ٷلكەن مەسەلەنٸڭ بٸرٸ – اۋىلدا ادام قالسىن دەسەك, ينتەرنەتتٸ تولىق ەنگٸزۋ كەرەك. ينتەرنەت بولماسا, بٷگٸن اۋىلدا جاستاردىڭ دا تۇرمايتىنى بەلگٸلٸ. نەگە? سەبەبٸ, بۇل – ٶمٸر مەن ۋاقىتتىڭ تالابى. سوندىقتان ٶتكەندە مينيستر باعدات مۋسينمەن بٸرگە 99%-عا دەيٸن ينتەرنەتپەن قامتۋدىڭ جوباسىن دايىندادىق. ونى ٸسكە قوسساق, تەلەمەديتسينانى دا ەنگٸزۋگە ٷلكەن مٷمكٸندٸك بولادى», - دەدٸ توعجانوۆ سەناتتاعى «تيٸمدٸ ٶڭٸرلٸك ساياسات – ەلٸمٸزدٸڭ ورنىقتى ەلەۋمەتتٸك-ەكونوميكالىق دامۋىنىڭ نەگٸزٸ» تاقىرىبىنداعى پارلامەنتتٸك تىڭداۋدا.
سونىمەن قاتار ول بٸلٸم بەرۋگە جاعداي جاساۋ قادامدارىنا توقتالدى.
«سوندىقتان بٸز Bilim All جوباسىن ەنگٸزدٸك. بٸر مۇعالٸمنٸڭ 5 پەن بويىنشا ساباق بەرۋٸن تولىق توقتاتتىق. ەندٸ بۇل اشىعىن ايتقاندا ٶزٸمٸزدٸ دە, بالالاردى الداۋ دەپ ويلايمىن. سوندىقتان بۇل توقتاتىلدى. ونلاين رەجيمدە 36 ەڭ جوعارى دەڭگەيلٸ مۇعالٸم ساباق بەرەتٸن جوبانى باستاپ كەتتٸك. بٸز اۋىلداعى مۇعالٸمدەردٸ قىسقارتقان جوقپىز», - دەدٸ وبلىس ەكٸمٸ.
وسى ورايدا ول اتالعان جوبا اياسىندا سول اۋىلداعى مۇعالٸمنٸڭ ٶزٸ جوعارى دەڭگەيلٸ ۇستازداردىڭ ساباعىن بالالارمەن بٸرگە تىڭداپ, ٶز دەڭگەيٸن كٶتەرەتٸنٸن ايتتى.
«ونى نەگە ەنگٸزدٸك? سەبەبٸ, بٷگٸندە اۋىلداعى بالالاردىڭ بٸلٸم دەڭگەيٸ قالاداعى بٸلٸم دەڭگەيٸنەن 15%-عا تٶمەن. سوندىقتان وسى مەسەلە ٶتە ماڭىزدى. جوبانى 5 پەن بويىنشا ەنگٸزدٸك: ماتەماتيكا, فيزيكا, حيمييا, بيولوگييا جەنە اعىلشىن ساباقتارى بويىنشا. وسىلايشا, كادر مەسەلەسٸ شەشٸلدٸ», - توعجانوۆ.
