اقتٶبە وبلىسى مۇعالجار اۋدانى جاعابۇلاق اۋىلى ماڭىنداعى اتجاقسى ٶزەنٸندە بالىق قىرىلىپ جاتىر. بۇل تۋرالى وقيعا ورنىنان تٷسٸرٸلگەن ۆيدەونى جولداپ, اتى-جٶنٸن اتاماۋدى ٶتٸنگەن بالىقشى ايتتى. بالىق قىرىلعان اتجاقسى ٶزەنٸ جاڭاجول مۇناي كەنٸشٸنە جاقىن ماڭدا ورنالاسقان, دەپ حابارلايدى ازاتتىق تٸلشٸسٸ.
جەم ٶزەنٸنٸڭ اتجاقسى سالاسىندا بالىق قىرىلىپ جاتقانىن مۇعالجار اۋدانىنىڭ ەكٸمٸ اسقار شەرييازدانوۆ تا راستادى. شەرييازدانوۆتىڭ سٶزٸنشە, بالىق قىرىلىپ جاتقانى جايلى حابار ەكٸمدٸككە 3 قاراشا كٷنٸ كەشكٸلٸك جەتكەن.
- بالىق مۇعالجار اۋدانى جاعابۇلاق اۋىلىنان 42 شاقىرىم جەردە قىرىلعان. بۇل – اتجاقسى ٶزەنٸنٸڭ جەمگە قۇياتىن تۇسى. 4 قاراشا كٷنٸ وقيعا ورنىنا اقتٶبە وبلىستىق ەكولوگييا دەپارتامەنتٸ مەن وبلىستىق ورمان, اڭشىلىق باسقارماسىنىڭ ٶكٸلدەرٸ كەلدٸ. قازٸر ولار ٶزەن سۋىن تەكسەرٸپ جاتىر, - دەدٸ مۇعالجار اۋدانىنىڭ ەكٸمٸ اسقار شەرييازدانوۆ.
اقتٶبە وبلىستىق ەكولوگييا دەپارتامەنتٸ باسشىسىنىڭ ورىنباسارى ەربولات قوجىقوۆتىڭ سٶزٸنشە, بالىقتىڭ نەدەن قىرىلعانىن انىقتاۋ ٷشٸن كەم دەگەندە بەس تەۋلٸك قاجەت. تابيعاتقا كەلگەن شىعىن مٶلشەرٸ دە سول كەزدە بەلگٸلٸ بولادى. قازٸر ٶزەن ماڭىندا بٸرنەشە باسقارمانىڭ مامانى مەن زەرتتەۋ لابوراتوريياسى جۇمىس ٸستەپ جاتىر. ولار الدىن-الا زەرتتەۋ قورىتىندىسىن ەكولوگييا دەپارتامەنتٸنە 4 قاراشا كٷنٸ تٷستەن كەيٸن تەلەفونمەن حابارلاعان.
اقتٶبە وبلىستىق ەكولوگييا دەپارتامەنتٸ "ٶزەنگە جاڭاجول مۇناي كەنٸشٸنەن ٶندٸرٸس قالدىعى تٶگٸلمەگەن" دەپ سانايدى. مۇعالجاردا جٷرگەن ماماندار بالىق قىرىلۋىنىڭ الدىن-الا سەبەبٸ دەپ قۋاڭشىلىقتى اتاعان.
- بيىلعى قۋاڭشىلىقتان ٶزەننٸڭ تابانىندا قالعان سۋ بورسىپ, قۇرامىندا اممياك كٶبەيٸپ كەتكەن. ٶزەن سۋىندا كيسلورود از. بالىق سودان قىرىلعان بولۋى مٷمكٸن, - دەيدٸ ەربولات قوجىقوۆ.
قازاقستانداعى ٶزەندەر مەن كٶلدەردە بۇعان دەيٸن بالىق قىرىلۋ فاكتٸسٸ تٸركەلگەن. مەسەلەن, بىلتىر جەلتوقساندا اتىراۋ وبلىسىنداعى جايىق ٶزەنٸندە 9 توننا توننا بالىق ٶلگەن. كەيٸن اتىراۋ وبلىستىق پوليتسييا دەپارتامەنتٸ بالىق قىرىلۋىنا بايلانىستى "بالىق قورلارىن قورعاۋ ەرەجەلەرٸن بۇزۋ" جەنە "سۋدى لاستاۋ, قوقىستاۋ نەمەسە سارقۋ" باپتارى بويىنشا ەكٸ قىلمىستىق ٸس قوزعاعان. قىلمىستىق ٸس بويىنشا "اتىراۋ سۋ ارناسى" كوممۋنالدىق-شارۋاشىلىق كەسٸپورنىنىڭ بۇرىنعى ديرەكتورى رۋسلان قۇرمەتوۆ, ونىڭ ورىنباسارى ۆيكتور سۋششەنكو جەنە سۋ تازارتۋ ستانتسيياسىنىڭ باستىعى ميحايل چۋرسينگە ايىپ تاعىلعان. قازٸر سوت جٷرٸپ جاتىر.
ال بيىل تامىزدا سولتٷستٸك قازاقستان وبلىسى تۇلىمباي كٶلٸندە مٶڭكە بالىقتار قىرىلعان.
