اقتٶبە وبلىسى ەيتەكە بي اۋدانىنىڭ ورتالىعى كومسومول اۋىلىندا گاز جارىلىسىنان ٷي قيراپ قالدى. ادامدار دٸن امان. ولار قاۋٸپسٸز جەرگە كٶشٸرٸلٸپ, ۋاقىتشا باسپانا بەرٸلدٸ, دەپ حابارلايدى قازاقپارات تٸلشٸسٸ.
«وقيعا بولعان جەرگە بارىپ, جاعدايمەن تانىستىم. ادامدارعا ەش قاۋٸپ تٶنگەن جوق. الدىن الا مەلٸمەت بويىنشا, گاز قازاندىعىنان ەش اقاۋ بولمادى. تەك گاز پليتاسىنان گاز شىعىپ كەتٸپ, ول جينالىپ, ٷيگە جالعانعان قۇرىلىستى قيراتىپ جٸبەرگەن. ارنايى كوميسسييا قۇرىلىپ, جۇمىس جٷرگٸزٸپ جاتىر. وتباسىنا ۋاقىتشا ٷي بەرٸلٸپ, كٶشٸرٸلدٸ. ولارعا كٶمەك بەرٸلەدٸ. قالپىنا كەلتٸرۋ جۇمىستارىنا جۇمىسشىلار كٶمەكتەسەدٸ», - دەدٸ ەيتەكە بي اۋدانىنىڭ ەكٸمٸ مەلٸمبەت يبراشەۆ.
ال ٷيسٸز قالعان اۋىل تۇرعىنى رۋسلان تەجٸمانوۆتىڭ ايتۋىنشا, قازٸر ول 4 بالاسىمەن پەتەر جالداپ تۇرىپ جاتىر.
«وقيعا جەكسەنبٸ كٷنٸ بولدى. بەرٸ دٸن امان. جارىلىستىڭ نەدەن بولعانىن بٸلمەيمٸز. ەكٸمدٸك كەلٸپ قارادى, ۋاقىتشا باسپانا بەردٸ. بٸراق بەرٸلگەن ٷيدە سۋ, جىلۋ, ەجەتحانا دا جوق, بالالاردىڭ مەكتەبٸنە الىس. سوندىقتان پەتەر جالدادىق. ٷيدە انام, قارىنداسىم, بارلىعى 8 جانبىز. تۋما-تۋىستارىم كٶمەكتەسٸپ جاتىر. كٶكتەمگە قايتا سالۋعا تۋرا كەلٸپ تۇر», - دەدٸ ول.
