فوتو: اشىق دەرەككٶز
اقتٶبە وبلىسى مۇعالجار اۋدانىندا ٶزٸن بلوگەر رەتٸندە كٶرسەتكەن 35 جاستاعى ەر ادام بٸرنەشە ازاماتتى الداپ, اقشاسىن يەمدەنگەنٸ ٷشٸن قاماۋعا الىندى, دەپ حابارلايدى Ult.kz.
جەرگٸلٸكتٸ پوليتسييا بٶلٸمٸنە الاياقتىق تۋرالى بٸرنەشە شاعىم تٷسكەن. تەكسەرۋ نەتيجەسٸندە, كٷدٸكتٸنٸڭ 2024 جىلدىڭ سوڭىندا تٶرت ادامعا ەرتٷرلٸ قىزمەتتەر ۇسىنۋدى ۋەدە ەتٸپ, ولاردىڭ سەنٸمٸنە كٸرگەنٸ انىقتالدى. ول جەبٸرلەنۋشٸلەردٸڭ بٸرٸنە بالاباقشاعا جۇمىسقا ورنالاستىرۋدى, ەكٸنشٸسٸنە جٷرگٸزۋشٸ كۋەلٸگٸن الۋعا جەردەمدەسۋدٸ, ال قالعاندارىنا تەندەردٸ جەڭٸپ بەرۋدٸ ۋەدە ەتكەن.
الاياقتىق ەرەكەتتەردٸڭ نەتيجەسٸندە تٶرت ادامعا كەلتٸرٸلگەن جالپى شىعىن 10 ميلليون تەڭگەدەن اسقان.
قازٸرگٸ ۋاقىتتا بۇل ٸس بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. كٷدٸكتٸ ۋاقىتشا ۇستاۋ يزولياتورىنا قامالدى. پوليتسييا زارداپ شەككەن باسقا ازاماتتاردى مۇعالجار اۋداندىق پوليتسييا بٶلٸمٸنە حابارلاسۋعا شاقىرادى.
