Foto: ashyq derekkóz
Aqtóbe oblysy Muǵaljar aýdanynda ózin bloger retinde kórsetken 35 jastaǵy er adam birneshe azamatty aldap, aqshasyn iemdengeni úshin qamaýǵa alyndy, dep habarlaidy Ult.kz.
Jergilikti politsiia bólimine alaiaqtyq týraly birneshe shaǵym túsken. Tekserý nátijesinde, kúdiktiniń 2024 jyldyń sońynda tórt adamǵa ártúrli qyzmetter usynýdy ýáde etip, olardyń senimine kirgeni anyqtaldy. Ol jábirlenýshilerdiń birine balabaqshaǵa jumysqa ornalastyrýdy, ekinshisine júrgizýshi kýáligin alýǵa járdemdesýdi, al qalǵandaryna tenderdi jeńip berýdi ýáde etken.
Alaiaqtyq áreketterdiń nátijesinde tórt adamǵa keltirilgen jalpy shyǵyn 10 million teńgeden asqan.
Qazirgi ýaqytta bul is boiynsha sotqa deiingi tergeý amaldary júrgizilip jatyr. Kúdikti ýaqytsha ustaý izoliatoryna qamaldy. Politsiia zardap shekken basqa azamattardy Muǵaljar aýdandyq politsiia bólimine habarlasýǵa shaqyrady.
