اقتٶبە وبلىسى ىرعىز اۋدانى نۇرا اۋىلىندا سيىر ەكٸ باستى بۇزاۋ تۋدى. كٶپ ۇزاماي ونى يەسٸ باۋىزداپ تاستاعان, دەپ حابارلايدى قازاقپارات.
بۇزاۋدىڭ ۆيدەوسىن ەلەۋمەتتٸك جەلٸگە وسى اۋداننىڭ تۋماسى نۇربولات تۋىسبايۇلى سالعان.
«بالالىق شاعىم ٶتكەن اۋىلدا ەكٸ باستى بۇزاۋ دٷنيەگە كەلٸپتٸ. اقتٶبە وبلىسى, ىرعىز اۋدانى, نۇرا سوۆحوزى. كلاستاستارىمنىڭ چاتىنان ۇققانىم, اۋىل حالقىندا ٷرەي بار سيياقتى. ەكولوگييانىڭ بەلگٸسٸ مە ەكەن?..», - دەپ الاڭداۋشىلىق بٸلدٸردٸ ول.
نۇرا اۋىلىنداعى بۇزاۋ يەسٸ قانداي دا بٸر اقپارات بەرۋگە قارسى. ال مال دەرٸگەرٸ باۋىزداپ تاستاۋعا كەڭەس بەرگەن.
«بۇل 2-3 كٷندٸكتە بولدى. سيىر 10 ناۋرىز كٷنٸ تٷندە تۋعان. مال يەسٸ ونى 11 ناۋرىز كٷنٸ تاڭدا كٶردٸ. سيىردىڭ ونى قالاي تۋعانى بەرٸمٸزگە تٷسٸنٸكسٸز بولىپ تۇر. يەسٸ سول كٷنٸ ماعان مەسسەندجەر ارقىلى جٸبەرٸپ, جاعدايدى حابارلادى. ٶزٸم سول كەزدە اۋداندا جيىندا ەدٸم. باۋىزداپ تاستاۋعا كەڭەس بەردٸم. ٶيتكەنٸ بۇزاۋ باسىن كٶتەرە الماعان. بۇزاۋدى باۋىزداعان سوڭ كٶمٸپ تاستادى. زەرتتەۋدٸڭ قاجەتٸ جوق», - دەيدٸ نۇرا اۋىلدىق وكرۋگٸ ۆەتەرينارلىق پۋنكت مەڭگەرۋشٸسٸ ەمٸر ٶتەگەن.
