فوتو: اشىق دەرەككٶز
العا اۋدانى پوليتسييا بٶلٸمٸنٸڭ 28 جاستاعى قىزمەتكەرٸ پارا الۋ دەرەگٸ بويىنشا سوتتالدى, دەپ حابارلايدى Ult.kz «دياپازون» باسىلىمىنا سٸلتەمە جاساپ.
وقيعا «اقتٶبە-استراحان» تاس جولىندا بولعان. ايىپتالۋشى ٶزٸنٸڭ سەرٸكتەسٸمەن بٸرگە پاترۋلدەۋ كەزٸندە العا قالاسىنىڭ كٸرەبەرٸسٸندە «Hyundai Accent» كٶلٸگٸن توقتاتقان. كٶلٸك تٸزگٸنٸندە ەيەل ادام بولعان. تەرتٸپ ساقشىلارى ونىڭ ٸشٸمدٸك ٸشكەنٸنە كٷدٸكتەنٸپ, قىزمەتتٸك كٶلٸككە وتىرۋدى جەنە مەديتسينالىق ساراپتامادان ٶتۋ قاجەتتٸگٸن حابارلاعان.
سوت بارىسىندا ايىپتالۋشى ٶز كٸنەسٸن مٷلدەم مويىندامادى. ونىڭ نۇسقاسى بويىنشا, جٷرگٸزۋشٸ ەيەل كٶلٸكتەن شىعا سالا ۆيسكي ٸشكەنٸن ٶزٸ ايتقان, بٸراق پوليتسەيلەر ودان ەشقانداي يٸس سەزبەگەن.
«وعان ساراپتامادان ٶتۋ كەرەكتٸگٸن, ەگەر بەرٸ جاقسى بولسا, بوساتىلاتىنىن تٷسٸندٸردٸك. اۋرۋحانادا دەرٸگەر ورنىندا بولمادى, سوندىقتان ساراپتاما كەيٸنٸرەك جٷرگٸزٸلدٸ. قورىتىندى بويىنشا ول ساۋ بولىپ شىقتى», – دەدٸ سوتتالۋشى.
پوليتسەيدٸڭ ايتۋىنشا, جٷرگٸزۋشٸ بۇعان دەيٸن وعان 100 مىڭ تەڭگەنٸ ٶزٸ ۇسىنعان, بٸراق ول اقشانى الماعان. ال پارانىڭ بٸر بٶلٸگٸ (45 مىڭ تەڭگە) ونىڭ پەتەرٸنەن قالاي تابىلعانىن تٷسٸندٸرە المادى. ول سوتتا ٶزٸن تٸنتۋ كەزٸندە الداپ قاقپانعا تٷسٸرگەنٸن مەلٸمدەپ, سۋديادان ٶزٸن اقتاۋدى سۇرادى.
الايدا, سوتتا كۋەلٸك بەرگەن جەبٸرلەنۋشٸ ەيەل وقيعانىڭ مٷلدەم باسقاشا بولعانىن ايتىپ بەردٸ. ونىڭ سٶزٸنشە, ول تاڭەرتەڭ از عانا مارتيني ٸشكەنٸن, بٸراق كٶلٸك جٷرگٸزگەن كەزدە مٷلدەم ساۋ بولعانىن مويىنداعان.
«مەن ولارعا تاۋار تاسىپ, جالعىزباستى انا رەتٸندە اقشا تاباتىنىمدى ايتتىم. جٷرگٸزۋشٸ كۋەلٸگٸنەن ايىرىپ جٸبەرە مە دەپ قورقىپ, ەسكەرتۋمەن شەكتەلۋٸن ٶتٸندٸم», – دەدٸ جەبٸرلەنۋشٸ.
وسىدان كەيٸن ول پوليتسەيدەن مەسەلەنٸ وڭ شەشۋ ٷشٸن نە قالايتىنىن سۇراعان. سوندا تەرتٸپ ساقشىسى تەلەفونىنا «100» دەگەن ساندى تەرٸپ كٶرسەتٸپ, قولما-قول اقشا تابۋعا بٸر ساعات ۋاقىت بەرگەن.
بۇل تالاپتان سوڭ جٷرگٸزۋشٸ بٸردەن سىبايلاس جەمقورلىققا قارسى قىزمەتكە حابارلاسىپ, موبيلدٸ قوسىمشا ارقىلى ارىز جٸبەرگەن. ول بانكوماتتان اقشانى شەشٸپ, كۋپيۋرالاردى سۋرەتكە تٷسٸرٸپ, جەمقورلىققا قارسى قىزمەتكەرگە جٶنەلتكەن.
وسىدان كەيٸن عانا ول مەديتسينالىق ساراپتامادان ٶتٸپ, «ساۋ» دەگەن قورىتىندى العان.
سول قورىتىندىمەن پوليتسەيدٸڭ قىزمەتتٸك كٶلٸگٸنە قايتا وتىرعان. تەرتٸپ ساقشىسىنىڭ نۇسقاۋىمەن 100 مىڭ تەڭگەنٸ كٶلٸكتٸڭ قولعاپسالعىشىنا قالدىرعان.
«ول اقشانى العان سوڭ, ەندٸ ماعان بارلىق جەردە جاسىل شام بولاتىنىن ايتتى», – دەپ تٷسٸندٸردٸ جەبٸرلەنۋشٸ سوتتا.
سوت ٸس ماتەريالدارىن زەرتتەي كەلە, جٷرگٸزۋشٸ ەيەلدٸڭ ۋەجٸن تولىق راستادى. نەتيجەسٸندە 28 جاستاعى پوليتسييا قىزمەتكەرٸ 100 مىڭ تەڭگە پارا تالاپ ەتكەنٸ ٷشٸن كٸنەلٸ دەپ تانىلدى.
ول 7 جىلعا باس بوستاندىعىنان ايىرىلدى جەنە مەملەكەتتٸك قىزمەتتە ٶمٸر بويى جۇمىس ٸستەۋ قۇقىعىنان ايىرىلدى.
سونىمەن قاتار, سوت سوتتالۋشىنى جەبٸرلەنۋشٸنٸڭ ادۆوكاتقا جۇمساعان شىعىنى رەتٸندە بٸر ميلليون تەڭگە تٶلەۋگە مٸندەتتەدٸ.
