فوتو ©️ Tengrinews.kz / تۇرار قازانعاپوۆ
اقتٶبە وبلىسى العا اۋداندىق بٸلٸم بٶلٸمٸنٸڭ باسشىسى قىزمەتتٸك ٶكٸلەتتٸلٸگٸن اسىرا پايدالانىپ, كەسٸپپەن اينالىسقانى ٷشٸن سوتتالدى. وعان 3 جىل 6 اي باس بوستاندىعىنان شەكتەۋ تٷرٸندەگٸ جازا كەسٸلدٸ, - دەپ حابارلايدى Tengrinews.kz سايتى.
العا اۋداندىق سوتى قىلمىستىق كودەكستٸڭ لاۋازىمدىق ٶكiلەتتٸلٸگٸن تەرٸس پايدالانۋ, قىزمەتتiك جالعاندىق جاساۋ جەنە كەسٸپكەرلٸك قىزمەتكە زاڭسىز قاتىسۋ باپتارى بويىنشا اۋداندىق بٸلٸم بٶلٸمٸنٸڭ باسشىسىنا قاتىستى ٸستٸ قارادى.
ٸس ماتەريالىنا سٷيەنسەك, العا اۋداندىق بٸلٸم بٶلٸمٸنٸڭ باسشىسى وقۋ ورتالىعىن اشقان. جۇمىسىن جٷرگٸزۋ ٷشٸن تانىسىنا تيەسٸلٸ جەكە كەسٸپكەردٸڭ اتىن پايدالانادى. سٶيتٸپ, بالالارعا قوسىمشا بٸلٸم بەرۋ قىزمەتٸن كٶرسەتۋ ٷشٸن كونكۋرسقا تٷسٸپ, 1,2 ميلليون تەڭگە ۇتادى.
سونىمەن قاتار, جاز اياقتالار تۇستا جەتٸم, اتا-اناسىنىڭ قامقورلىعىنسىز قالعان, تۇرمىسى تٶمەن, كٶپبالالى وتباسىنان شىققان, مٷگەدەكتٸگٸ بار 300 بالانى 12 كٷندٸك لاگەرگە جٸبەرۋدٸ جوسپارلايدى. جولداما ساتىپ الۋعا 18 850 000 تەڭگە بٶلٸنگەن. ۋاقىت تىعىز, قارجىنى يگەرۋگە ٷلگەرمەيتٸنٸن بٸلسە دە, سوتتالۋشى مەملەكەتتٸك ساتىپ الۋدى ٶتكٸزۋ تۋرالى شەشٸم قابىلدايدى. نەتيجەسٸندە كونكۋرس شارتتارى ٶزگەرتٸلٸپ, لاگەرگە 12 كٷنگە ەمەس, 7 كٷنگە جٸبەرٸلگەن. لاگەرگە بارعان 203 بالانىڭ 160-ى ارنايى ساناتقا جاتپايتىنى دا انىقتالدى. ال, قۇجات بويىنشا 300 بالا 12 كٷندٸك دەمالىستا بولعانى جازىلعان.
"سوتتالۋشىنىڭ زاڭسىز ەرەكەتتەرٸنٸڭ نەتيجەسٸندە بٸلٸم بٶلٸمٸ سەرٸكتەستٸك شوتىنا 10 280 674 تەڭگە سوماسىندا بيۋدجەت قاراجاتىن نەگٸزسٸز اۋداردى. قىلمىستىق ٸس اقتٶبە وبلىسى پروكۋرورىنىڭ ورىنباسارى مەن سوتتالۋشى اراسىندا جاسالعان كٸنەنٸ مويىنداۋ تۋرالى پروتسەستٸك كەلٸسٸممەن سوتقا كەلٸپ تٷستٸ. سوتتالۋشى سوت وتىرىسىندا پروتسەستٸك كەلٸسٸمنٸڭ مازمۇنىن قولداپ, بەلگٸلەنگەن جازامەن دە كەلٸسەتٸنٸن مەلٸمدەدٸ", - دەلٸنگەن حابارلامادا.
پروكۋرور پروتسەستٸك كەلٸسٸمدە سوتتالۋشىنىڭ شىن ٶكٸنگەنٸن, كٸنەنٸ مويىنداعانىن جەنە زالالدى ەرٸكتٸ تٷردە ٶتەگەنٸن ەسكەرٸپ, جازانى ٶتەۋدٸڭ بٷكٸل مەرزٸمٸ ٸشٸندە جىل سايىن 100 ساعاتتان مەجبٷرلٸ ەڭبەككە تارتا وتىرىپ, 3 جىل 6 اي مەرزٸمگە باس بوستاندىعىن شەكتەۋ تٷرٸندەگٸ جازا تاعايىنداۋ تۋرالى ٶتٸنٸش بٸلدٸردٸ.
سونداي-اق, مەملەكەتتٸك قىزمەتتە لاۋازىمداردى اتقارۋ قۇقىعىنان ٶمٸر بويىنا ايىرۋ تٷرٸندە قوسىمشا جازا تاعايىنداۋدى سۇرادى. سوت كٶرسەتٸلگەن جازانى تاعايىنداي وتىرا, پروتسەستٸك كەلٸسٸمدٸ بەكٸتتٸ. سوت تاراپىنان اقتٶبە وبلىستىق بٸلٸم باسقارماسىنىڭ باسشىلىعىنا جەكە قاۋلى شىعارىلدى. سوت ٷكٸمٸ زاڭدى كٷشٸنە ەنگەن جوق.
