«كٶزقاراستارىمىز سەيكەس كەلە بەرمەيدٸ»: ميراس جٷگٸنٸسوۆ اعاسىنا قاتىستى پٸكٸر بٸلدٸردٸ

فوتو: اشىق دەرەككٶز

اقتٶبەدەگٸ مەشٸتتە بولعان داۋلى جاعدايدان كەيٸن تانىمال ەنشٸ ميراس جٷگٸنٸسوۆ ٶزٸنٸڭ Instagram پاراقشاسىندا مەلٸمدەمە جاساپ, اعاسى رٷستەم جٷگٸنٸسوۆتٸڭ سٶزٸنە بايلانىستى پٸكٸر بٸلدٸردٸ, دەپ حابارلايدى Ult.kz.

ول اعاسىنىڭ ايتقاندارى قوعامدا رەزونانس تۋعىزىپ, كەيبٸر ازاماتتاردىڭ رەنٸشٸن تۋدىرعانىن مويىندادى. 

"سوڭعى كٷندەرٸ اعامنىڭ ايتقان پٸكٸرٸ قوعامدا ٷلكەن رەزونانس تۋدىرىپ, كەيبٸر جانداردىڭ كٶڭٸلٸنە تيٸپ جاتىر. ول ٶز ويىن بٸلدٸرگەن جەكە تۇلعا. مەن ٶز جولىم, ٶز ۇستانىمىم بار اداممىن. مەن وتباسىمنىڭ ەر مٷشەسٸن قۇرمەتتەيمٸن, بٸراق ولاردىڭ جەكە كٶزقاراستارى مەنٸڭ ويىممەن ەردايىم سەيكەس كەلە بەرمەيدٸ. سول ٷشٸن دە كەيبٸر كەزدە مەسەلەلەر تۋىندايدى. ولاردى وسىلاي ايتىپ وتىرامىن دەپ ويلامادىم. نە ايتقىم كەلگەنٸن سٸزدەر تٷسٸنٸپ وتىرسىزدار", – دەپ جازدى ميراس.

ميراس جٷگٸنٸسوۆ ٶزٸنٸڭ شىعارماشىلىعىندا ەردايىم قىز بالاسىنا, جالپى ادامعا قۇرمەت يدەياسىن دەرٸپتەيتٸنٸن اتاپ ٶتتٸ.

"مەنٸڭ شىعارماشىلىعىم ادامعا قۇرمەت جايلى. نەزٸك جاندىلارعا ارنالعان ەندەرٸم دە بار. ٶيتكەنٸ ەيەل ادامنىڭ ورنى مەنٸڭ ٶمٸرٸمدە ەرەكشە. بۇل جاعدايدان كٶڭٸلٸ قالعان بارشا جاننان كەشٸرٸم سۇرايمىن. سٸزدەردٸڭ سەنٸمدەرٸڭٸز مەن ٷشٸن ٶتە ماڭىزدى", – دەدٸ ەنشٸ.

رٷستەم جٷگٸنٸسوۆ نە دەدٸ?

ايتا كەتەيٸك, بۇرىنىراقتا ەنشٸلٸك ٶنەرٸمەن تانىلعان رٷستەم جٷگٸنٸسوۆ اقتٶبەدەگٸ مەشٸتتە بولعان داۋلى جاعدايعا قاتىستى ٶز پٸكٸرٸن بٸلدٸرگەن بولاتىن.

"بٸر رەتتٸك نەمەسە ەكٸ كٷندٸك نەكە دەگەن دٸندە جوق. بۇل – ٶتٸرٸك نەرسە. ادامداردى شاتاستىرماۋ كەرەك", – دەدٸ ول.

وسىدان كەيٸن ول قىزدار دا ەر جٸگٸتتەردٸڭ "سٶز ايتۋىنا" ىقپال ەتەتٸنٸن دە تۇسپالداپ جەتكٸزدٸ.

"ەيەلدٸڭ مەشٸتٸ – ونىڭ ٷيٸ. ەر ادامدار مەشٸتتە ناماز وقىعانى دۇرىس بولسا, ەيەلدەرگە ٷيدە وقىعانى ابزال. ٶزدەرٸڭٸزدەن دە بار. ەگەر مەشٸتتە سولاي جٷرسەڭٸزدەر, ەر ادامدار جامان ويعا كەتەدٸ. سوندىقتان اباي بولىڭىزدار. نامازدى كەشكە ٷيدە وقىعان دۇرىس", – دەدٸ.

رٷستەم جٷگٸنٸسوۆتىڭ بۇل مەلٸمدەمەسٸ قوعام اراسىندا داۋ تۋعىزىپ, كەيبٸر قولدانۋشىلار جٷگٸنٸسوۆتەر وتباسىن ساحناعا شىعارماۋ كەرەك دەگەن باستاما كٶتەردٸ.

ال قىزعا بٸر رەتتٸك نەكە ۇسىنعان ەر ادام قر ەكٸمشٸلٸك قۇقىقبۇزۋشىلىق تۋرالى كودەكسٸنٸڭ 449-بابى 2-بٶلٸگٸ — «قوعامدىق ورىندا تيٸسۋ» بويىنشا بەس تەۋلٸككە قامالدى.