فوتو: Gov.kz
اتىراۋ ماڭىنداعى ورتاعاسىرلىق «اقتٶبە-لاەتي» قالاشىعىندا جٷرگٸزٸلگەن ارحەولوگييالىق قازبا جۇمىستارى كەزٸندە سيرەك كەزدەسەتٸن كٷمٸس تيىندار تابىلدى. قازبانى ح.دوسمۇحامەدوۆ اتىنداعى اتىراۋ ۋنيۆەرسيتەتٸنٸڭ ارحەولوگتارى جٷرگٸزگەن, دەپ حابارلايدى Ult.kz.
ارحەولوگتاردىڭ ايتۋىنشا, تابىلعان كٶنە تيىندار التىن وردا بيلەۋشٸسٸ مەڭگۋ-تەمٸر حاننىڭ تۇسىندا سوعىلعان. رەسەيلٸك نۋميزماتيك عالىم پاۆەل پەتروۆ تيىننىڭ بەدەرلٸ جازۋلارىن زەرتتەپ, ونىڭ تاريحي قۇندىلىعى ٶتە جوعارى ەكەنٸن مەلٸمدەگەن. مونەتانىڭ بٸر بەتٸندە مەڭگۋ-تەمٸر حاننىڭ جەكە تاڭبالارى بەينەلەنسە, ەكٸنشٸ بەتٸندە قىتاي يەروگليفتەرٸ كەزدەسەدٸ.
«بۇل حٸٸٸ عاسىردىڭ ەكٸنشٸ جارتىسىنا تيەسٸلٸ تيىن. قىتايشا تاڭبالار شىڭعىس حاننان تاراعان قۇبىلاي مەن شاعاتاي ۇرپاقتارى اراسىنداعى ساياسي قاقتىعىستار كەزٸندە قولعا تٷسكەن تۇتقىن نومۋحانمەن بايلانىستى بولۋى مٷمكٸن», – دەيدٸ ارحەولوگ امانگەلدٸ مۇعاۋۇلى.
فوتو: Gov.kz
ارحەولوگتار سونىمەن قاتار قالاشىقتان بٷتٸن كٷيٸندە ساقتالعان كٶنە تاعارا ىدىسىن دا ارشىپ العان.
بيىلعى ماۋسىمداعى ارحەولوگييالىق جۇمىستارعا تاپسىرىس بەرۋشٸ – اتىراۋ وبلىستىق تاريحي-مەدەني مۇرالاردى زەرتتەۋ ورتالىعى. ورتالىق باسشىسى تولىباي دوستىباەۆتىڭ ايتۋىنشا, سوڭعى جىلدارى بۇل نىسانعا ەرەكشە نازار اۋدارىلىپ كەلەدٸ. قالاشىقتىڭ 53 گەكتار اۋماعى تولىقتاي قورشالىپ, تاريحي ورىن بولاشاقتا اشىق اسپان استىنداعى مۋزەيگە اينالادى دەپ جوسپارلانۋدا.
قازبا جۇمىستارىنا اتىراۋ ۋنيۆەرسيتەتٸنٸڭ تاريح ماماندىعىندا وقيتىن ستۋدەنتتەر دە قاتىسقان. بٷگٸندە 500 شارشى مەتر اۋماق ارشىلىپ, تابىلعان ارتەفاكتٸلەر وقۋ ورداسىنىڭ زەرتحاناسىندا ساراپتاۋدان ٶتۋدە.
تاريحشىلاردىڭ پٸكٸرٸنشە, بۇل تابىلعان جەدٸگەرلەر جوشى ۇلىسى مەن التىن وردا كەزەڭٸنٸڭ ەكونوميكاسى مەن ساياسي قارىم-قاتىناستارىنا قاتىستى ماڭىزدى دەرەكتەر بەرۋٸ مٷمكٸن.
فوتو: Gov.kz
