اقتاۋدا ەكٸ جاسار قىزعا جۇقپالى اۋرۋلار اۋرۋحاناسىندا مەرزٸمٸ ٶتكەن پرەپارات سالىنعان, دەپ حابارلايدى قازاقپارات.
قاڭتار ايىنان بەرٸ دەرٸگەرلەر رۋفينا ەسٸمدٸ بٷلدٸرشٸننٸڭ قىزۋى نە سەبەپتٸ 38 گرادۋسقا دەيٸن كٶتەرٸلٸپ, اياق-قولى تىرىسىپ قالاتىنىن انىقتاي الماعان. بٷلدٸرشٸن قىركٷيەك ايىندا اۋرۋحاناعا ٷشٸنشٸ مەرتە تٷسٸپ, جەكە زەرتحانانىڭ ارنايى ماماندارىن شاقىرعان كەزدە عانا تسيتامەگالوۆيرۋس دياگنوزى قويىلعان. بۇل اۋرۋعا قارسى پرەپارات تيٸستٸ نۇسقاۋلاردى قاتاڭ ساقتاۋدى تالاپ ەتەدٸ. ناۋقاس بالانىڭ اناسىنىڭ ايتۋىنشا, دەرٸنٸ ۋاقىتىندا قولدانباسا, جارامسىز بولىپ قالادى.
«بۇل پرەپارات 24 ساعاتقا جارامدى. بالا بٸر تەۋلٸك ٸشٸندە 2 رەت قابىلداۋى تيٸس. ساعات 2-دە اشىلدى, ياعني تٷنگٸ ساعات 2-دە بەرٸلۋ كەرەك, كەلەسٸ كٷنٸ قولدانباۋ كەرەك. ولار ٷشٸنشٸ كٷنٸ پرەپاراتتى قايتا پايدالاندى. ال جارامدىلىق مەرزٸمٸ ٶتٸپ كەتتٸ», - دەدٸ اقتاۋ قالاسىنىڭ تۇرعىنى جۇلدىز تادجەنوۆا.
ونىڭ ايتۋىنشا, جارامسىز پرەپاراتتى سالعاننان كەيٸن قىزىنىڭ جاعدايى كٷرت ناشارلاعان. كٷنٸنە بالانىڭ دەنە تەمپەراتۋراسى بٸرنەشە رەت 39 گرادۋسقا دەيٸن كٶتەرٸلگەن. اۋرۋحانا قىزمەتكەرلەرٸ ورىن العان جاعدايدى راستادى. قىزمەتكەرلەردٸڭ بٸرٸ ٶز كٸنەسٸن مويىندادى.
وبلىستىق دەنساۋلىق ساقتاۋ باسقارماسى مەديتسينالىق قىزمەتكەردەن كەشٸرٸم حاتىن قابىلداپ, وعان سٶگٸس جارييالادى.
«ەزٸرگە تەك سٶگٸس جارييالايمىز. ٶيتكەنٸ مەدبيكەنٸڭ قىزمەتٸندە مۇنداي جاعداي العاش رەت بولىپ وتىر. قازٸر مەدبيكە ٶز كٸنەسٸن مويىنداپ, بالانىڭ ەكەسٸنەن كەشٸرٸم سۇرادى. مۇنداي تسيتامەگالوۆيرۋستىق ينفەكتسييا كەزٸندە تەمپەراتۋرا بولۋى قالىپتى», - دەپ تٷسٸندٸردٸ ماڭعىستاۋ بالالار اۋرۋحاناسى ديرەكتورىنىڭ ورىنباسارى گٷلجان ەرمەكباەۆا.
الايدا, زارداپ شەككەن قىزدىڭ اناسى سٶگٸس تٷرٸندەگٸ جازاعا قاناعاتتانبايدى. ول مەديتسينا قىزمەتكەرٸن جۇمىستان شىعارىپ, بالاعا ساپالى مەديتسينالىق كٶمەك كٶرسەتۋ ٷشٸن ەلورداداعى انا مەن بالا ۇلتتىق ورتالىعىنا كۆوتا الۋدى كٶزدەپ وتىر.
