فوتو: Freepik.com
ماڭعىستاۋ وبلىسى دەنساۋلىق ساقتاۋ باسقارماسى ٶكٸلٸ اقتاۋدا قاندالا ۋلاعاننان كەيٸن زارداپ شەككەندەردٸڭ جاعدايى تۋرالى ايتتى, - دەپ حابارلايدى Tengrinews.kz سايتى Lada.kz پورتالىنا سٸلتەمە جاساپ.
باسقارما باسشىسىنىڭ ورىنباسارى بيبٸزادا دٷيسەنباەۆانىڭ ايتۋىنشا, 21 قازاندا 7 ادام, ونىڭ ٸشٸندە 2 بالا ۋلانعان. 3 ەرەسەك ماڭعىستاۋ وبلىستىق كٶپسالالى اۋرۋحاناسىنا جەنە 2 بالا بالالار اۋرۋحاناسىنا جاتقىزىلعان. زارداپ شەككەندەردٸڭ بٸرٸنٸڭ جاعدايى قاناعاتتانارلىق بولعاندىقتان, بٸرٸنشٸ كٷنٸ ٷيٸنە جٸبەرٸلگەن.
"اۋرۋحاناعا تٷسكەن كەزدە 2 ەرەسەك ناۋقاستىڭ جاعدايى ورتاشا بولدى. تاعى بٸر زارداپ شەككەن ەر ادامنىڭ جاعدايىن تۇراقتاندىرۋ ٷشٸن جانساقتاۋ بٶلٸمٸنە جاتقىزىلدى. كەشە تولىق تەكسەرٸستەن ٶتٸپ, جاعدايى تۇراقتانعانىنا بايلانىستى بٶلٸمشەگە اۋىستىرىلدى. بٷگٸن جاعدايى قاناعاتتانارلىق بولعاندىقتان, ناۋقاستىڭ ٶتٸنٸشٸ بويىنشا ٷيٸنە جٸبەرٸلدٸ.
بٸرٸنشٸ كٷنٸ بٸر جەبٸرلەنۋشٸ بٸردەن ٷيٸنە جٸبەرٸلدٸ, ونىڭ جاعدايى دا قاناعاتتانارلىق بولدى. كەيٸنٸرەك بالالارىنىڭ جاعدايىنا قاتتى الاڭداعان زارداپ شەككەن ەيەل دە ٷيٸنە جٸبەرٸلدٸ. بارلىعى امبۋلاتورييالىق باقىلاۋدا بولادى", - دەدٸ بيبٸزادا دٷيسەنباەۆا.
زارداپ شەككەن بالالاردىڭ دا جاعدايى ايتىلدى.
"2 بالا وبلىستىق بالالار اۋرۋحاناسىنا جاتقىزىلدى. 2015 جىلى تۋعان قىزدىڭ جاعدايى ورتاشا اۋىر بولدى, بٸرٸنشٸ كٷنٸ تەكسەرٸلدٸ, قازٸر دەرٸگەرلەردٸڭ باقىلاۋىندا. 2017 جىلى تۋعان بالا تولىق تەكسەرٸلٸپ, جاعدايىن تۇراقتاندىرۋ ٷشٸن جانساقتاۋعا جاتقىزىلدى. كەشە بالانىڭ جاعدايى ورتاشا اۋىرلىقتان ٶزگەرمەدٸ. بٷگٸن تاڭەرتەڭ بالانىڭ جاعدايى جاقساردى, قازٸر ٶزٸ تاماقتانا الادى. بٷگٸن جاعدايى قالىپقا كەلدٸ. سوندىقتان جانساقتاۋدان جالپى بٶلٸمشەگە اۋىستىرىلدى", - دەدٸ دٷيسەنباەۆا.
ەسكە سالايىق, قايعىلى وقيعا قالانىڭ №7 شاعىناۋدانىندا بولعان. پەتەرلەردٸڭ بٸرٸنٸڭ يەسٸ قاندالادان قۇتىلۋ ٷشٸن پەتەرٸن ۋلاعان. بٸراق ول مامانداندىرىلعان قىزمەتكە جٷگٸنبەگەن, سالدارىنان 2 بالا قايتىس بولدى.
