ماڭعىستاۋ وبلىسى پوليتسييا دەپارتامەنتٸنٸڭ قىزمەتكەرلەرٸ اقتاۋدا كوروناۆيرۋس جۇقتىرعان ادامنىڭ جەزٶكشەلەرمەن بايلانىسىن جاسىرعانى انىقتالدى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اپپارات باسشىسى قۋانىش جاپاقوۆ مەلٸم ەتتٸ, دەپ حابارلايدى "ۇلت اقپارات".
«ماڭعىستاۋ وبلىسى بويىنشا دەپارتامەنت وبلىستىق پروكۋراتۋرامەن بٸرلەسە پوليتسييا دەپارتامەنتٸ لاۋازىمدى تۇلعالارىنىڭ زاڭسىز ەرەكەتٸنٸڭ جولىن كەستٸ. ولار جەزٶكشەلٸكپەن اينالىسۋ ٷشٸن اقتاۋ قالاسى اۋماعىندا پريتون جەلٸسٸن ۇيىمداستىرۋدا شەتەل ازاماتتارىنا قامقورلىق جاساپ كەلدٸ دەگەن كٷدٸككە ٸلٸندٸ», - دەدٸ ق. جاپاقوۆ ونلاين بريفينگٸدە.
ونىڭ ايتۋىنشا, كارانتين رەجيمٸنە قاراماستان, پوليتسييا قىزمەتكەرلەرٸ پريتونداردىڭ قۇقىققا قايشى قىزمەتٸنٸڭ جولىن كەسۋگە نەگٸزدەلگەن شارالاردى قابىلداماعان. وسى ورايدا كوروناۆيرۋس ينفەكتسيياسىن جۇقتىرعان ادامنىڭ جەزٶكشەلٸكپەن اينالىسقاندارمەن تٸكەلەي بايلانىسى فاكتٸسٸن جاسىرعاندارى انىقتالدى.
سىبايلاس جەمقورلىققا قارسى كٷرەس قىزمەتٸ پاراقورلىق, لاۋازىمدىق ٶكٸلەتتٸكتٸ تەرٸس پايدالانۋ, جەزٶكشەلٸك پريتوندارىن ۇيىمداستىرۋ, سونداي-اق ادامدار ٶمٸرٸ مەن دەنساۋلىعىنا قاۋٸپ تۋدىراتىن جاعدايلار تۋرالى اقپاراتتى جاسىرۋ فاكتٸلەرٸ بويىنشا تەرگەۋ امالدارىن جٷرگٸزۋدە.
قابىلدانعان شارالار ارقىلى 87 ادام وقشاۋلاندى. ولاردىڭ اراسىندا پريتونداردا جەزٶكشەلٸكپەن اينالىسقاندار دا بار. تەكسەرۋ بارىسىندا ەكٸ شەتەلدٸكتە كوروناۆيرۋس ينفەكتسيياسى انىقتالدى.
