ماڭعىستاۋ وبلىسىندا كەسٸپكەرلٸكتٸ دامىتۋ جەنە جۇمىس ورىندارىن كٶبەيتۋ ماقساتىندا «نۇر كاپيتال» جوباسى ەنگٸزٸلدٸ.
«نۇر كاپيتال» باعدارلاماسى اياسىندا تۇرعىنداردىڭ ٶز كەسٸپتەرٸن اشۋ ٷشٸن وقىتۋ جۇمىستارى جٷرگٸزٸلۋدە. باعدارلامانىڭ ماقساتى – ايماق تۇرعىندارىنىڭ ٶمٸر سٷرۋ دەڭگەيٸن كٶتەرۋمەن قاتار جۇمىس ورىندارىن كٶبەيتۋ.
بٷگٸندە جاس كەسٸپ يەلەرٸ اتالمىش جوبانىڭ ارقاسىندا بٸرقاتار جوبالاردى ۇسىنۋدا. سولاردىڭ بٸرٸ – بالاباقشا بٷلدٸرشٸندەرٸن تسيفرلىق باعدارلاما ارقىلى وقىتۋ.
«جاقىندا ماعان جاس كەسٸپكەرلەر كەلٸپ, بالاباقشاداعى وقۋ جٷيەسٸن تسيفرلىق جٷيە بويىنشا وقىتۋ جوباسىن ايتتى. ولاردىڭ جوباسى 10 ملن تەڭگەگە باعالانىپ وتىر. جاس تالانتتاردىڭ بۇل ٸسٸ قۇپتاۋعا تۇرارلىق. وسى جوبامەن ولار بەلورۋسييادا ٶتكەن حالىقارالىق وليمپيادادا بٸرٸنشٸ ورىندى العان بولاتىن. اتالعان جوبالارىن ورىنداۋ ٷشٸن قاراجات بٶلٸنەتٸن بولادى. اۋىلدان شىققان وسىنداي جاس تالانتتاردى قولداۋىمىز قاجەت» – دەدٸ ماڭعىستاۋ وبلىسى ەكٸمٸنٸڭ ورىنباسارى رۋسلان ساكەەۆ.
بۇعان قوسا, ول ٷكٸمەت باسشىسىنىڭ اتالعان جوبانى قولداعانىن, سونداي-اق ونى ٶزگە دە ٶڭٸرلەرگە ەنگٸزۋدٸ ۇسىنعانىن ايتتى.
«باعدارلاما اياسىندا اشىلاتىن كەسٸپورىندارعا 1 پايىزدىق مٶلشەرمەن نەسيە بەرۋ جوسپارلانعان. جوبا بويىنشا 3 ملن تەڭگەدەن 30 ملن تەڭگە ارالىعىندا نەسيە بەرٸلەدٸ. قازٸرگٸ تاڭدا 150 جوبا قارالۋ ٷستٸندە. نەتيجەسٸندە 1400 جۇمىس ورنى اشىلادى دەپ كٷتٸلۋدە. بۇل باعدارلاماعا 2 ملرد تەڭگە كٶلەمٸندە قارجى بٶلٸندٸ. 1 پايىزدىق مٶلشەرمەن نەسيە الىپ, كەسٸپ اشقىسى كەلەتٸندەر ٶزدەرٸنٸڭ بيزنەس جوسپارلارىن جازىپ, قاتىسۋلارىنا بولادى», – دەپ اتاپ ٶتتٸ ر. ساكەەۆ.
تسيفرلاندىرۋ پروتسەسٸنٸڭ كەڭ ەتەك الىپ, بارلىق سالالاردى قامتۋدىڭ ارقاسىندا ٶندٸرٸس ورىندارىنا جاڭا تەحنولوگييالاردىڭ كەلۋٸ ادامي فاكتوردى ازايتىپ وتىر. وسىعان بايلانىستى ماڭعىستاۋ وبلىسىنىڭ ەكٸمدٸگٸ ٶندٸرٸس ورنىنان بوساپ قالعان ماماندارعا باسقا ماماندىق بەرۋ ماقساتىندا ارنايى ساباقتاردى ٶتكٸزٸپ جاتىر.
«جاڭا تەحنولوگييالاردىڭ ارقاسىندا جۇمىستىڭ باسىم بٶلٸگٸ اۆتوماتتى تٷردە ورىندالادى. ادامي فاكتوردى ازايتادى. دەسە دە, وسى جاعدايعا بايلانىستى بٸز كەشەندٸ شارالاردى قابىلدادىق. جۇمىستان بوساپ قالعان ادامداردى ٶزگە ماماندىققا وقىتتىق», – دەدٸ سپيكەر.
تسيفرلىق جاڭاشىلدىقتار ٶندٸرٸس ٶنٸمٸن مولايتۋعا, شىعىن كٶلەمٸن ازايتۋعا مٷمكٸندٸك بەرەدٸ. ەلٸمٸزدە «تسيفرلىق قازاقستان» مەملەكەتتٸك باعدارلاماسى 2017 جىلدىڭ 12 جەلتوقسانىندا قابىلدانعان بولاتىن. ونداعى ماقسات – ەلەۋمەتتٸڭ ەلەۋەتٸن ارتتىرۋ, ەكونوميكالىق ٶسٸمدٸ ارتتىرۋ, تۇرعىندارعا جايلىلىق پەن جاقسى قىزمەت ۇسىنۋ.
