سۋرەت: lada.kz
ماڭعىستاۋ وبلىسى پوليتسييا دەپارتامەنتٸ اقتاۋدا زاڭسىز قازىلعان قابٸرگە بايلانىستى تٷسٸنٸكتەمە بەردٸ, - دەپ حابارلايدى Tengrinews.kz تٸلشٸسٸ.
پوليتسيياعا شاعىمدى مارقۇمنىڭ تۋىسى تٷسٸرگەن.
"بۇل دەرەك قر قىلمىستىق كودەكسٸنٸڭ 314-بابىنىڭ ("ٶلگەن ادامداردىڭ مەيiتتەرiن جەنە ولار جەرلەنگەن جەرلەردi قورلاۋ") 1-بٶلٸگٸ بويىنشا تٸركەلدٸ. سوتقا دەيٸنگٸ تەرگەۋ جٷرگٸزٸلٸپ جاتىر. تەرگەۋ مٷددەسٸنە بايلانىستى باسقا اقپارات جارييالانبايدى", - دەپ حابارلادى وبلىستىق دپ باسپاسٶز قىزمەتٸ.
ەسكە سالايىق, بۇعان دەيٸن اقتاۋ قالاسىنىڭ تۇرعىنى يۋريي كونوۆالوۆ قايتىس بولعان تۋىسىنىڭ جەرلەۋ رەسٸمٸنەن ٷش ساعات ٶتكەن سوڭ جەرلەۋ اگەنتتٸگٸ قىزمەتكەرلەرٸ قابٸردٸ قازىپ, دەنەنٸ الىپ شىعىپ, باسقا زيراتقا قايتا كٶمگەنٸن ايتقان بولاتىن.
"جەرلەۋ رەسٸمٸن ٶتكٸزۋ ٷشٸن ەكٸ قالالىق اگەنتتٸككە جٷگٸندٸم. اگەنتتٸكتەردٸڭ بٸرٸندە مەسكەۋدە تۇراتىن ەپكەم يرينا حاسانوۆا تۋىسقانىمدى جاڭا زيراتقا جەرلەۋگە قالا سىرتىنان جەر دايىنداپ قويعانىن بٸلگەندە, تاڭعالدىم. ەرينە, مەن كەلٸسپەدٸم, ٶيتكەنٸ بالا قالالىق زيراتتا اناسىنىڭ جانىنا جەرلەنۋ كەرەك. بٸز ەپكەممەن جەتٸ جىل بويى سٶيلەسپەدٸك, نە ٷشٸن بۇلاي جاساعانى تٷسٸنٸكسٸز", - دەدٸ ول.
ونىڭ ايتۋىنشا, قابٸردٸ دايىنداۋدان باس تارتقاننان كەيٸن جەرلەۋ ٷشٸن ارنايى ادامدار جالداۋعا مەجبٷر بولعان. مارقۇمنىڭ مەيٸتٸن مەيٸتحانادان العان كونوۆالوۆ زيراتقا كەلٸپ, 2020 جىلدىڭ 15 شٸلدەسٸندە جەرلەگەن. جەرلەنگەننەن شامامەن ٷش ساعات ٶتكەن سوڭ, زيرات ديرەكتورى وعان قوڭىراۋ شالىپ, اعاسىنىڭ قابٸرٸ قازىلعانىن ايتقان.
ول اقتاۋ پروكۋراتۋراسىنا ارىز جازدى. كونوۆالوۆتىڭ ايتۋىنشا, بۇل مەسەلە ٸلگەرٸلەمەگەن. ول كٷدٸكتٸلەر جازادان قۇتىلىپ كەتە مە دەپ الاڭداپ وتىر.
