بٷگٸن اقتاۋ قالاسىندا الماتىداعى تەررورلىق شابۋىل كەزٸندە قازا تاپقان ۇقك شەكارا اكادەميياسىنىڭ كۋرسانتى بٸتٸم مەيٸرحانمەن قوشتاسۋعا ارنالعان قارالى ميتينگ ٶتتٸ, دەپ حابارلايدى قازاقپارات اگەنتتٸگٸ ماڭعىستاۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
ازا تۇتۋ رەسٸمٸنە ماڭعىستاۋ وبلىسىنىڭ ەكٸمٸ, مەملەكەتتٸك ورگان ٶكٸلدەرٸ, مەسليحات دەپۋتاتتارى, ٶڭٸرلٸك شەكارا قىزمەتٸنٸڭ جەكە قۇرامى, كۋرسانتتىڭ اتا-اناسى مەن تۋىستارى, مۇعالٸمدەر مەن قالا تۇرعىندارى قاتىستى.
ٶڭٸر باسشىسى نۇرلان نوعاەۆ بۇل قازانىڭ بٸتٸم ەۋلەتٸنٸڭ عانا ەمەس, بارشا قازاقتىڭ ورتاق قايعىسى ەكەنٸن اتاپ ٶتتٸ.
«مەيٸرحان ەرجانۇلى نەبەرٸ 19 جاسىندا وتانعا ادال قىزمەت ەتۋدٸڭ جارقىن ٷلگٸسٸن كٶرسەتٸپ كەتتٸ. مەيٸرحان باۋىرىمىزدىڭ ەرلٸگٸنٸڭ الدىندا باسىمىزدى يەمٸز. ونىڭ قايسارلىعى كٶپكە ٷلگٸ-ٶنەگە بولارى سٶزسٸز», - دەدٸ نۇرلان نوعاەۆ.
مەملەكەت مٷددەسٸن قورعاۋدا كٶرسەتكەن باتىلدىعى مەن جانقييارلىعى ٷشٸن پرەزيدەنت جارلىعىمەن مەيٸرحان بٸتٸم قايتىس بولعاننان كەيٸن III دەرەجەلٸ «ايبىن» وردەنٸمەن ماراپاتتالدى. ازا تۇتۋ رەسٸمٸ بارىسىندا بٸر مينۋت ٷنسٸزدٸك جارييالانىپ, اسپانعا ٷش رەت وق اتىلدى.
«بۇل دٷربەلەڭدە ٶرٸمدەي جاستاردىڭ قازا بولعانى جانىمىزعا قاتتى باتتى. ەلٸنە قىزمەت ەتۋدٸ ارمانداعان نەمەرەم مەيٸرحان انتىنا ادال بولدى. ەرجٷرەك بالام بەتپە-بەت كەلگەن اجالدان قايمىققان جوق. مۇنداي جاعدايدىڭ ەندٸ ەشقاشان قايتالانباعانىن تٸلەيمٸن. حالقىمىزدىڭ اۋىزبٸرشٸلٸگٸ ارتىپ, بالالارىمىز بەيبٸت كٷندە ٶمٸر سٷرسٸن. جاراتقان تەۋەلسٸزدٸگٸمٸزدٸ مەڭگٸ ەتسٸن!», - دەدٸ مارقۇمنىڭ اتاسى بٸتٸم كەزباەۆ.
