قىزمەتتٸك كٶلٸكپەن اقسۋ قالاسىنا ناۋقاستى جەتكٸزٸپ سالىپ, قايتار جولىندا جول اپاتىنا تٷسكەن دەرٸگەر كٶز جۇمدى, دەپ حابارلايدى "ۇلت اقپارات" Pavlodarnews.kz سايتىنا سٸلتەمە جاساپ.
وبلىستىڭ پوليتسييا دەپارتامەنتٸنٸڭ باسپاسٶز قىزمەتٸنٸڭ حابارلاۋىنشا, ٶڭٸردە جول اپاتىنان ەكٸ ادام كٶز جۇمعان.
«3 تامىز كٷنٸ ساعات 23:45-تە «ومبى-مايقاپشاعاي» تاسجولىنىڭ 380-شٸ شاقىرىمىندا, چەرنوياركا اۋىلىنىڭ ماڭىندا 32 جاستاعى Nissan Patrol-دىڭ جٷرگٸزۋشٸسٸ «ۋازبەن» سوقتىعىسقان. 25 جاستاعى «ۋازدىڭ» جٷرگٸزۋشٸسٸ اۋىر جاراقاتتان سول جەردە كٶز جۇمدى», دەپ مەلٸمدەدٸ پاۆلودار وبلىسى پوليتسييا دەپارتامەنتٸ باستىعىنىڭ بٸرنٸشٸ ورىنباسارى جاسقايرات قايىروۆ.
دەنساۋلىق ساقتاۋ باسقارماسىنىڭ باسپاسٶز قىزمەتٸ قايتىس بولعان ەر ادامنىڭ چەرنورەتسك دەرٸگەرلٸك امبۋلاتوريياسىنىڭ دەرٸگەرٸ ەكەنٸن راستادى. ول اقسۋ قالاسىندا ناۋقاستى اۋرۋحاناعا جاتقىزعاننان كەيٸن قايتىپ كەلە جاتقان.
پوليتسييا ەكٸنشٸ قايعىلى وقيعا جايلى دا مەلٸمدەدٸ. 6 تامىز كٷنٸ ساعات 23:15-تە سول جولدىڭ 561-شٸ شاقىرىمىندا, شارباقتى اۋىلىنىڭ ماڭىندا Nissan X-Trail-دٸڭ 68 جاستاعى جٷرگٸزۋشٸسٸ جاياۋ جٷرگٸنشٸنٸ قاعىپ كەتكەن. 31 جاستاعى ەيەل تاكسي توقتاتۋ ٷشٸن جولدىڭ كٶلٸك جٷرەتٸن بٶلٸگٸنە جٷگٸرٸپ شىققان. ول دا وقيعا ورنىندا كٶز جۇمدى.
ەكٸ جاعدايدا دا سوت-مەديتسينالىق ساراپتاما تاعايىندالدى, كٶلٸكتەر ارنايى ايىپپۇل تۇراعىنا قويىلدى.
پوليتسەيلەردٸڭ ايتۋىنشا, وسى جىلدىڭ باسىنان بەرٸ پاۆلودار وبلىسىندا 278 جول-كٶلٸك وقيعاسى بولعان, سالدارىنان 20 ادام قايتىس بولىپ, تاعى 410 ادام تٷرلٸ جاراقات العان.
