اقسۋ قالالىق ەكٸمدٸگٸنٸڭ العاباس اۋىلدىق وكرۋگٸنە قاراستى ايناكٶل اۋىلىندا ٷيلەردەگٸ كرانداردا سۋ توقتاپ قالدى, – دەپ حابارلايدى pavlodarnews.kz.
اۋىل تۇرعىنى, زەينەتكەر مارجان نامازباەۆانىڭ سٶزٸنە قاراعاندا, پروبلەما ەكٸ اپتا بۇرىن باستالعان.
- ەكٸ اپتا شاماسىندا سۋدى قايتا-قايتا بٸر-ەكٸ ساعاتقا اشىپ-جاۋىپ وتىردى, - دەيدٸ اۋىل تۇرعىنى.
– كەشە سۋدى مٷلدەم ٶشٸرٸپ تاستادى. ەندٸ سۋسىز قالدىق. ٷكٸمەتتٸڭ بٸراز اقشاسى جۇمسالدى عوي. وعان قوسا, قۇبىردى ٷيگە دەيٸن قازىپ تارتىپ الۋ ٷشٸن دە اقشا جۇمسادىق. قازٸرگٸ كەزدە سۋدى ماشينالارمەن ەكەلەدٸ. بٸراق ول بٷكٸل اۋىلدى سۋمەن قامتاماسىز ەتە المايدى عوي.
مارجان نامازباەۆانىڭ ايتۋىنشا, 2018 جىلى ورتالىقتاندىرىلعان سۋ جەلٸسٸ ٸسكە قوسىلعان كەزدە حالىق ٶركەنيەتكە جەتتٸك دەپ قۋانعان بولاتىن. باسىندا تۇرعىندار شىنىندا دا ٷي كرانىنان اعاتىن سۋدىڭ راحاتىن كٶرگەن. بٸراق بيىلعى جىلدىڭ كٶكتەمٸندە جاعداي ناشارلادى.
العاباس اۋىلدىق وكرۋگٸ ەكٸمٸنٸڭ مٸندەتٸن اتقارۋشى اسلان قاسەنوۆتٸڭ ايتۋىنشا, سۋمەن قامتۋ بٸر تەۋلٸككە سٶندٸرٸلدٸ. ماقسات – سۋدىڭ جۇمسالۋ مٶلشەرٸن انىقتاۋ.
- كەشە ساعات 14:30-دا لەنين كەنتٸنەن سۋمەن قامتۋ توقتاتىلدى, - دەيدٸ اسلان قاسەنوۆ. – بۇل جەردە سۋدىڭ ايناكٶل اۋىلىن ەسەپتەمەگەندەگٸ لەنين كەنتٸنە جەتكٸلٸكتٸ مٶلشەرٸن انىقتاۋ ماقساتى كٶزدەلدٸ. بٸلۋٸمشە, «گوركومحوز» تۇرعىن ٷيلەردٸڭ جاڭعىرتۋ» جشس سۋدى بٷگٸن تٷستەن كەيٸن قوسادى. اۋىلدىق وكرۋگ باسشىلىعىنىڭ پٸكٸرٸنشە, ايناكٶلدٸ تازا اۋىز سۋمەن قامتۋداعى باستى مەسەلە – تۇرعىنداردىڭ سۋدى شامادان تىس جەنە ماقساتسىز پايدالانۋىندا.
- سۋ ٶتە كٶپ مٶلشەردە جۇمسالۋدا, - دەيدٸ اسلان قاسەنوۆ. – بۇل بٸرنەشە تازالاۋدان ٶتكەن ارتەزياندىق سۋ, ياعني تازا اۋىز سۋ. ال تۇرعىندار ونى باۋ-باقشا سۋارۋعا پايدالانادى. سول سەبەپتٸ سۋ ەكٸ اۋىلعا بٸردەي جەتپەيدٸ.
2018 جىلدىڭ سەۋٸر ايىندا «اي-سۋ مەليوراتسييا» جشس اقسۋعا قاراستى ايناكٶل مەن سىنتاس اۋىلدارىندا سۋ جەلٸلەرٸن سالۋعا كٸرٸستٸ. سول جىلدىڭ سوڭىندا قۇرىلىس جۇمىستارى اياقتالدى. بارلىعى 216 ٷيگە سۋ جەلٸلەرٸ تارتىلدى. جەلٸلەردٸڭ جالپى ۇزىندىعى - 17 شاقىرىم شاماسىندا. سۋ لەنين كەنتٸنەن بەرٸلەدٸ.
ايتا كەتەيٸك, پاۆلوداردان 11 شاقىرىم, اقسۋدان 21 شاقىرىم قاشىقتىقتا ورنالاسقان ايناكٶلدە شامامەن 1000 ادام تۇرادى.
