فوتو: گازەتا.رۋ
اقش-تىڭ ۋكراينا جەنە رەسەي جٶنٸندەگٸ ارنايى ٶكٸلٸ كيت كەللوگگ ەسكەري كٶمەكتٸ قايتا جانداندىرۋدىڭ شارتتارىن اتادى, دەپ جازادى inbusiness.kz ۋنيان اگەنتتٸگٸنە سٸلتەمە جاساپ.
ونىڭ مۇنى ۆاشينگتونداعى حالىقارالىق قاتىناستار جٶنٸندەگٸ كەڭەستٸڭ پٸكٸرتالاسىنداعى بايانداماسىندا ايتقان.
– ۋكرايناداعى سوعىس جالعاسىپ جاتقان جاعدايدا رەسەيدٸڭ وقشاۋلانۋىن جالعاستىرۋ جەنە ونىمەن ەشقانداي ٶزارا ەرەكەتتەستٸك جٷرگٸزبەۋ ەندٸ ٶمٸرشەڭ نەمەسە تۇراقتى ستراتەگييا بولىپ سانالمايدى جەنە جاۋاپتى ديپلوماتييالىق قادام ەمەس, – دەدٸ ول.
ول ترامپتىڭ كٶزقاراسى "اقش-تىڭ رەسەيمەن قارىم-قاتىناستى قايتا جانداندىرۋى قاجەت" دەگەن تٷسٸنٸككە نەگٸزدەلگەنٸن اتاپ ٶتتٸ.
كەللوگگ اق ٷيدە ۋكراينا پرەزيدەنتٸ ۆلاديمير زەلەنسكيي مەن اقش پرەزيدەنتٸ دونالد ترامپ اراسىندا بولعان كەلٸسپەۋشٸلٸككە قاتىستى پٸكٸر بٸلدٸردٸ.
ونىڭ ويىنشا, بۇل جاعداي ەكٸ كٶشباسشىنىڭ ماقساتىنىڭ ەرتٷرلٸ بولۋىنا بايلانىستى ٶربٸگەن.
– زەلەنسكيي ٶزٸن ترامپتىڭ رەسەيگە قارسى اشىق تٷردە قولداعانىن قالادى. بٸراق ترامپ بۇل كەزدەسۋدٸ بٸر تاراپتىڭ ەكٸنشٸسٸنە ٷستەمدٸك ەتۋ مٷمكٸندٸگٸ رەتٸندە قاراستىرعان جوق, – دەپ تٷسٸندٸردٸ اقش پرەزيدەنتٸنٸڭ ارنايى ٶكٸلٸ.
4 ناۋرىزدا ترامپ ۋكرايناعا بارلىق ەسكەري كٶمەكتٸ توقتاتۋعا بۇيرىق بەرگەن ەدٸ.
بۇل شەشٸم اق ٷيدەگٸ اشىق قاقتىعىستان كەيٸن زەلەنسكييگە قىسىمدى كٷشەيتۋ ماقساتىندا قابىلدانعان.
سونىمەن قاتار, اقش ۋكراينامەن بارلاۋ دەرەكتەرٸمەن الماسۋدى تولىقتاي دوعاردى. بۇعان ەسكەري نىساندارعا قاتىستى مەلٸمەتتەر, رەسەيدٸڭ زىمىراندارى مەن دروندارىنىڭ ۇشىرىلىمدارى تۋرالى الدىن الا ەسكەرتۋلەر كٸرەدٸ.
