شايرات ەۋە بازاسىنا جاسالعان سوققىدان بەيبٸت تۇرعىنداردىڭ قازا بولعانى جايلى حومس ايماعىنىڭ گۋبەرناتورى تالال باررازي جەرگٸلٸكتٸ مايادين ارناسىنا مەلٸمدەدٸ, - دەپ حابارلايدى kaz.tengrinews.kz ريا نوۆوستي اگەنتتٸگٸنە سٸلتەمە جاساپ.
"الدىن الا مەلٸمەت بويىنشا, سوققى سالدارىنان بەس ادام قازا بولىپ, جەتٸ ادام جاراقات الدى", - دەيدٸ گۋبەرناتور. سوققىدان كەيٸن ٶرت باستالعان, بٸراق زارداپ شەككەندەر تۋرالى ەلٸ ناقتى مەلٸمەت جوق.
امەريكالىق تاراپتىڭ مەلٸمەتٸ بويىنشا, ەۋە بازاسىندا رەسەيلٸك ەسكەريلەر دە بولۋى مٷمكٸن. بۇل اقش-تىڭ سيرييا ەۋە بازاسىنا جاسالعان ەڭ ٸرٸ سوققىسى.
سيرييا وپوزيتسيياسى سەيسەنبٸدە حيمييالىق قارۋمەن جاسالعان شابۋىلدان سالدارىنان حان-شەيحۋن قالاسىندا 80 ادامنىڭ قازا تاۋىپ, 200 ادامنىڭ جارالانعانىن مەلٸمدەگەن ەدٸ. وپپوزيتسييا بۇل جاعدايعا قاتىستى ٷكٸمەت ەسكەرٸن ايىپتاپ وتىر. ال سيرييالىق ەسكەر باسشىلىعى مۇنى جوققا شىعارىپ, بۇل شابۋىلدى سودىرلار جاساعانىن مەلٸمدەگەن.
ال رف پرەزيدەنتٸ ۆالديمير پۋتين اقش-تىڭ سيريياعا جاساعان سوققىلارى رەسەي مەن امەريكا قارىم-قاتىناسىنا زييانىن تيگٸزٸپ, تەرروريزممەن قارسى كٷرەستٸڭ حالىقارالىق كواليتسيياسىن قۇرۋعا بٶگەت دەپ ەسەپتەيدٸ.
