اقش تاياۋ شىعىسقا شامامەن 3 مىڭ سارباز جٸبەردٸ. پەنتاگونعا سٸلتەمە جاساعان Reuters اگەنتتٸگٸنٸڭ حابارلاۋىنشا, اقش-قا قوقان-لوقى كٶبەيگەن شاقتا ساقتىق شاراسى رەتٸندە وسىنداي شەشٸم قابىلدانعان. 82-شٸ ەۋە دەسانتتىق ديۆيزييانىڭ ٷش مىڭعا تارتا ساربازى كۋۆەيتتە شوعىرلانباق, بۇل جاققا وسى اپتادا 750 امەريكالىق سارباز جەتكٸزٸلگەن ەدٸ.
يران گەنەرال كاسەم سۋلەيمانيدٸ ٶلتٸرگەنٸ ٷشٸن اقش-تان "كەك الاتىنىن" مەلٸمدەدٸ. يران يسلام رەۆوليۋتسيياسى ساقشىلار كورپۋسىنىڭ ەليتالىق جاساعىن باسقارعان يراندىق گەنەرال 3 قاڭتاردا باعدات ەۋەجايىندا درونمەن جاسالعان شابۋىل كەزٸندە قازا تاپقان.
پەنتاگون بۇل اقش پرەزيدەنتٸ دونالد ترامپتىڭ بۇيرىعىمەن جاسالعان ەسكەري وپەراتسييا ەكەنٸن ايتتى. Reuters اگەنتتٸگٸ تاياۋ شىعىستا جاعداي بٸردەن ۋشىعا باستاعانىن حابارلادى.
2019 جىلدىڭ مامىر ايىنان قازٸرگە دەيٸن اقش تاياۋ شىعىسقا شامامەن 14 مىڭ ەسكەرٸن ورنالاستىرعان.
