ەۆگەنيي پريگوجين, كرەملگە كەيتەرينگ قىزمەتٸن كٶرسەتەتٸن "كونكورد كەيتەرينگ" كومپانيياسىنىڭ ديرەكتورى.
اقش مەسكەۋدٸڭ ۋكرايناداعى ساياساتىنا جاۋاپ رەتٸندە سانكتسييا سالعان رەسەيلٸكتەر تٸزٸمٸن ۇزارتتى. اقش قارجى مينيسترلٸگٸنٸڭ 20 جەلتوقساندا جارييالاعان سانكتسييا سالىنعاندار تٸزٸمٸندە رەسەيدٸڭ سەگٸز ازاماتى, رەسەي مەن قىرىمداعى 30-دان استام كومپانييا بار. تٸزٸمگە جاڭادان ٸلٸنگەندەر اراسىندا رەستوراتور, رەسەي پرەزيدەنتٸ ۆلاديمير پۋتيننٸڭ "باس اسپازشىسى" رەتٸندە بەلگٸلٸ ەۆگەنيي پريگوجيننٸڭ اتى اتالادى.
سانكت-پەتەربۋرگتٸك بيزنەسمەن ەۆگەنيي پريگوجيننٸڭ "كونكورد كەيتەرينگ" كومپانيياسى كرەملگە كەيتەرينگ قىزمەتٸن كٶرسەتەدٸ. پريگوجيننٸڭ سونىمەن قاتار سانكت-پەتەربۋرگتە جاسىرىن كوممەنتاريي جارييالايتىن "تروللدەر فابريكاسىمەن" بايلانىسى بار دەلٸنەدٸ. اقپارات اگەنتتٸكتەرٸندە, ەلەۋمەتتٸك جەلٸلەر مەن بلوگتاردا جاسىرىن كوممەنتارييلەر جارييالايتىن مۇنداي جەلٸ كرەملدٸڭ ساياساتىن قولداپ, رەسەي رەجيمٸن سىنايتىندارعا قارسى تۇرادى.
