Evgenii Prigojin, Kremlge Keitering qyzmetin kórsetetin "Konkord keitering" kompaniiasynyń direktory.
AQSh Máskeýdiń Ýkrainadaǵy saiasatyna jaýap retinde sanktsiia salǵan reseilikter tizimin uzartty. AQSh qarjy ministrliginiń 20 jeltoqsanda jariialaǵan sanktsiia salynǵandar tiziminde Reseidiń segiz azamaty, Resei men Qyrymdaǵy 30-dan astam kompaniia bar. Tizimge jańadan ilingender arasynda restorator, Resei prezidenti Vladimir Pýtinniń "bas aspazshysy" retinde belgili Evgenii Prigojinniń aty atalady.
Sankt-peterbýrgtik biznesmen Evgenii Prigojinniń "Konkord Keitering" kompaniiasy Kremlge keitering qyzmetin kórsetedi. Prigojinniń sonymen qatar Sankt-Peterbýrgte jasyryn kommentarii jariialaityn "trollder fabrikasymen" bailanysy bar delinedi. Aqparat agenttikterinde, áleýmettik jeliler men blogtarda jasyryn kommentariiler jariialaityn mundai jeli Kremldiń saiasatyn qoldap, Resei rejimin synaityndarǵa qarsy turady.
