فوتو: ساپاربەك ناعاشىبەك Facebook-پاراقشاسىنان
اقش-تا مۇحتار ماعاۋيننٸڭ بەيٸتٸنە قۇلپىتاس قويدى. بۇل تۋرالى Facebook-پاراقشاسىندا ساپاربەك ناعاشىبەك جازدى, دەپ حابارلايدى Ult.kz.
"بٷگٸن ۆاشينگتوندا قازاقتىڭ ۇلى جازۋشىسى, زەرتتەۋشٸسٸ ەرٸ تاريحشىسى مۇحتار ماعاۋيننٸڭ بەيٸتٸنٸڭ باسىنا قۇلپىتاس ورناتىلىپ, امەريكاداعى “مۇحتار ماعاۋين اتىنداعى قازاق ۇلتتىق مەدەني-اعارتۋ ورتالىعىنىڭ” رەسمي تانىستىرىلىمى ٶتتٸ", - دەپ جازدى ول.
جازۋشىنىڭ ۇلى ەدٸگە ماعاۋين ەكەسٸنٸڭ باسىنا قويىلعان قۇلپىتاستىڭ ماعىناسى تۋرالى تٷسٸندٸرٸپ ٶتتٸ. ول ەكەسٸنٸڭ قازاق ەدەبيەتٸ مەن عىلىمىنا قوسقان مول مۇراسىن قۇلپىتاستا اشىپ كٶرسەتۋگە تىرىسقاندارىن ايتتى.
"بۇل جەرگە (بەيٸت باسىنا, رەد.) بٸر جىلدىڭ ٸشٸندە قانشا قازاق كەلٸپ كەتتٸ. بەرٸ دە بۇل جەردٸ قازاقتىڭ كيەلٸ جەرٸ رەتٸندە قابىلدايتىندارىن ايتتى. سوندىقتان بٸز ەكەمٸزدٸڭ باسىنا تاس قويعان كەزدە كەلگەن ادامدارعا ەسەر بەرەتٸندەي بولسىن, ەكەمٸزبەن سىرلاسقانداي بولسىن دەگەن ويمەن وسىنداي ەتٸپ جاساپ شىعاردىق.
نەگە قۇلپىتاسقا تاۋدى جاسادىق دەيتٸن بولساق, بۇل بٸزدٸڭ اتا-بابالارىمىزدىڭ جٷرٸپ ٶتكەن جولى, تاريحى.
ال كٶنە تٷركٸ جازۋى - بٸزدٸڭ كٶنە تٷركٸ تاريحىمىز.
ەكەم ەدەبيەتكە جولىن جاڭادان باستاعان كەزدە, كٶنە تٷركٸ جازۋىن اۋدارۋعا ىنتا جاساپ ٶكرگەن بولاتىن. ٶمٸرٸنٸڭ سوعىندا سول باستاعان جۇمىسىن اياقتاپ كەتتٸ.
ال قۇلپىتاستىڭ بەتٸندەگٸ كٶرٸنٸس, بٸزدٸڭ بەرتٸندەگٸ شىڭعىس حان زامانىنان باستالعان تاريح, قازاق ورداسى. ەكەم ەبدەن زەرتتەگەن, ٶزٸنٸڭ شىعارمالارىنا ارقاۋ ەتكەن تاريح.
قۇلپىتاستىڭ استى جاعىنا قاراساڭىزدار, الاساپىرانداعى كٶك كٷيمەنٸڭ كٶشٸ بەينەلەنگەن", - دەي كەلە ەدٸگە ماعاۋين جىراۋلار پوەزيياسىنان دا بەينەلەر قوسىلعانىن, قۇران اياتى نە ٷشٸن جازىلعانىن جەنە قازاق ويۋلارى سالىنعانىن ايتىپ ٶتتٸ.
قۇلپىتاستىڭ الدىندا اق مەرمەر تاسپەن كٸتاپ جاسالعان. وعان جازۋشىنىڭ ايتقان سٶزٸ جازىلعان ەكەن. ەدٸگە ماعاۋيننىڭ سٶزٸنشە ەسكەرتكٸش تاستى تٷركييادا جاساتقان.
فوتو: ساپاربەك ناعاشىبەك Facebook-پاراقشاسىنان
مۇحتار ماعاۋين – قازاقتىڭ كٶرنەكتٸ جازۋشىسى, تاريحشى ەرٸ ەدەبيەتتانۋشى عالىم. ماعاۋين 1940 جىلى 2 اقپاندا قازٸرگٸ اباي وبلىسى اۋماعىنداعى شۇبارتاۋ ٶڭٸرٸندە دٷنيەگە كەلٸپ, 2023 جىلى 9 قاڭتاردا اقش-تا دٷنيە سالدى.
