اقش-تا كوروناۆيرۋس جۇقتىرعاندار كٶبەيٸپ بارادى. بيلٸك شەكتەۋ شارالارىن بٸرتٸندەپ كٷشەيتٸپ جاتىر. ال ەۋروپادا لوكداۋننىڭ ارقاسىندا ۆيرۋستىڭ تاراۋى سەل بەسەڭدەدٸ.
COVID Tracking Project جوباسىنىڭ مەلٸمەتٸ بويىنشا, سوڭعى اپتادا اقش-تا كٷنٸنە ورتاشا ەسەپپەن 150 مىڭ ادامنان كوروناۆيرۋس انىقتالعان. كٷن سايىن 73 مىڭ ناۋقاس اۋرۋحاناعا جاتقىزىلادى, 14 مىڭى رەانيماتسييا بٶلٸمٸنە تٷسەدٸ.
ساراپشىلار كوروناۆيرۋستان قايتىس بولعاندار ارتا بەرەدٸ دەپ بولجايدى. قازٸر بٸر تەۋلٸك ٸشٸندە شامامەن 1100 ادام ٶلٸمٸ تٸركەلٸپ جٷر.
كەيبٸر ايماقتا بيلٸك شەكتەۋ شارالارىن قايتادان ەنگٸزە باستادى. تۇرعىنداردىڭ ماسكا تاعۋى ەدەپكٸ كٶرٸنٸسكە اينالعان. دەنساۋلىق ساقتاۋ سالاسىنىڭ ماماندارى ريزاشىلىق بٸلدٸرۋ كٷنٸنە (26 قاراشا) ارنالعان شارالار جاعدايدى ۋشىقتىرۋى مٷمكٸن دەپ قاۋٸپتەنەدٸ.
ال ەۋروپادا ەنگٸزٸلگەن شەكتەۋ شارالارى تيٸمدٸلٸگٸن دەلەلدەگەن. سونىڭ ارقاسىندا كەيبٸر ەلدەردە ينفەكتسييانىڭ تاراۋى بەسەڭدەگەن, الايدا جاڭا ناۋقاس پەن ادام ٶلٸمٸ كٶرسەتكٸشٸ جوعارى كٷيٸندە قالىپ وتىر. اۋرۋحانا قىزمەتكەرلەرٸنە اۋىر سالماق تٷسكەن.
دجونس حوپكينس ۋنيۆەرسيتەتٸنٸڭ مەلٸمەتٸنشە, يتالييا, ۇلىبريتانييا, گەرمانييا, يسپانييا, فرانتسييادا كوروناۆيرۋس جۇقتىرعاندار قاراشا ايىنىڭ باسىنداعى كٶرسەتكٸشپەن سالىستىرعاندا ازايعان. دەگەنمەن ەۋروپا ٷكٸمەتٸ تۇماۋ-سىرقاۋ جيٸلەيتٸن قىسقى ماۋسىمدا ساق بولۋ قاجەتتٸگٸن ايتادى.
