اقش ساۋد ارابيياسىنىڭ جۋرناليسٸ جامال حاشوگگيدٸڭ ٶلٸمٸنە بايلانىستى ەر-رييادقا سانكتسييا سالدى. "ماگنيتسكيي زاڭى" اياسىندا سالىنعان قارجىلىق شەكتەۋگە ساۋد ارابييانىڭ 17 ازاماتى ٸلٸندٸ.
"قارا تٸزٸمگە" ەنگەندەر اراسىندا ساۋد ارابيياسىنىڭ ستامبۋلداعى باس كونسۋلى, بارلاۋ قىزمەتٸنٸڭ پولكوۆنيگٸ جەنە تاق مۇراگەرٸ مۇحاممەد يبن سالماننىڭ كەڭەسشٸسٸ بار. اقش قارجى مينيسترلٸگٸ اتالعان ادامدار جۋرناليستٸ ٶلتٸرۋ وپەراتسيياسىنا قاتىسقان دەپ اتادى.
Washington Post باسىلىمىنىڭ شولۋشىسى, سوڭعى جىلدارى ەر-رييادتىڭ ساياساتىن سىناپ جٷرگەن وپپوزيتسييالىق جۋرناليست جامال حاشوگگي 2 قازان كٷنٸ ساۋد ارابيياسىنىڭ ستامبۋلداعى كونسۋلدىعىنا قۇجاتتارىن رەسٸمدەۋگە كٸرٸپ, قايتىپ شىقپاعان.
ەر-ريياد ەۋەلدە جامال حاشوگگيدٸڭ جوعالۋىنا قاتىسى جوعىن ايتقانىمەن, ەكٸ اپتادان سوڭ جۋرناليستٸڭ ارنايى قىزمەتتٸڭ "رۇقسات بەرٸلمەگەن وپەراتسيياسى بارىسىندا" قازا تاپقانىن مەلٸمدەگەن ەدٸ. كەيٸن ساۋد ارابيياسىنىڭ پروكۋرورى جۋرناليستٸڭ قاساقانا ٶلتٸرٸلگەنٸن مويىنداعان. بٸراق حاشوگگيدٸڭ دەنەسٸ سول كٷيٸ تابىلمادى.
ساۋد ارابيياسى بيلٸگٸ بۇل ٸسكە قاتىسى بار دەپ 18 ادامدى تۇتقىندادى جەنە حاشوگگيدٸڭ تۋىستارىنا كٶڭٸل ايتتى. تاق مۇراگەرٸنٸڭ جوعارى شەندٸ بەس كەڭەسشٸسٸ قىزمەتتەرٸنەن بوساتىلدى.
15 قاراشادا ساۋد ارابيياسىنىڭ پروكۋرورى جامال حاشوگگيدٸ ٶلتٸرۋ تۋرالى بۇيرىقتى ستامبۋلعا اتتانعان كەلٸسسٶز توبىنىڭ باسشىسى بەرگەنٸن مەلٸمدەدٸ. ولار حاشوگگيدٸ ساۋد ارابيياسىنا ەكەلمەك بولعان. پروكۋرور 11 ادامعا ايىپ تاعىلعانىن جەتكٸزدٸ. بٸراق ەر-ريياد بۇل ٸسكە ەل بيلٸگٸنٸڭ قاتىسى جوق دەپ وتىر.
باتىس ەلدەرٸ مەن تٷركييا بيلٸگٸ مۇنىمەن كەلٸسپەيدٸ. ولار جۋرناليستٸ ٶلتٸرۋگە تاق مۇراگەرٸ حانزادا سالماننىڭ قاتىسى بولۋى مٷمكٸن دەپ ەسەپتەيدٸ.
