اقش قارجى مينيسترلٸگٸ رەسەي پرەزيدەنتٸ ۆلاديمير پۋتينمەن جاقىن بايلانىس ورناتقان, بولاشاقتا اقش سانكتسيياسىنا ٸلٸگۋٸ ەبدەن مٷمكٸن دەلٸنگەن رەسەيلٸكتەردٸڭ تٸزٸمٸن جارييالادى. Associated Press اگەنتتٸگٸنٸڭ حابارلاۋىنشا, «كرەمل ەسەبٸ» دەپ اتالاتىن تٸزٸمدە رەسەي بيلٸگٸنٸڭ جوعارى شەندٸ 114 ساياسي ٶكٸلٸ مەن 96 وليگارح بار, دەپ جازادى ازاتتىق.
پرەزيدەنت دونالد ترامپ ەكٸمشٸلٸگٸ وسىلايشا كونگرەستٸڭ رەسەيدٸ 2016 جىلى ەلدەگٸ پرەزيدەنت سايلاۋىنا كيلٸككەنٸ ٷشٸن جازالاۋ تالابىن جارتىلاي بولسا دا ورىندادى. بٸراق اق ٷي مەسكەۋدٸڭ "اقش سايلاۋىنا كيلٸككەنٸ ٷشٸن" ەزٸرگە تٸزٸمدەگٸلەردٸڭ ەشقايسىسىنا سانكتسييا سالىنبايتىنىن مەلٸمدەدٸ. امەريكالىق كەيبٸر كونگرەسمەندەر پرەزيدەنت دونالد ترامپ كونگرەسس سانكتسييا سالماق بولعان كەيبٸر رەسەيلٸكتەرگە شەكتەۋ قويماي, «پرەزيدەنت رەسەيگە قاتىستى تىم جۇمساق ساياسات ۇستانىپ وتىرعان جوق پا?» دەگەن كٷدٸكتٸ كٷشەيتە تٷسكەنٸن ايتادى.
تٸزٸم پۋتيننٸڭ بيلٸگٸنە بولىسىپ, ودان پايدا كٶرەدٸ دەلٸنگەن ساياسي ەليتا ٶكٸلدەرٸن ەشكەرەلەۋ ماقساتىندا جاسالىپ وتىر. بۇل تٸزٸمگە ٸلٸنگەندەرگە اقش سانكتسيياسى سالىنباعانىمەن, تٸزٸمدە بۇعان دەيٸن دە سانكتسييا سالىنعان رەسەيلٸكتەر بار.
«پۋتيننٸڭ تٸزٸمٸ» دەپ اتالعان بەيرەسمي تٸزٸمگە رەسەي ٷكٸمەتٸنٸڭ مٷشەلەرٸ, ونىڭ ٸشٸندە پرەمەر-مينيستر دميتريي مەدۆەدەۆ, پۋتيننٸڭ 42 كٶمەكشٸسٸ, فەدەرالدىق قاۋٸپسٸزدٸك قىزمەتٸ (فسب) مەن باس بارلاۋ باسقارماسىنىڭ (گرۋ) باسشىلارى ٸلٸككەن. وليگارحتار مەن بيزنەسمەندەردەن تٸزٸمگە ٸلٸككەندەر قاتارىندا اليشەر ۋسمانوۆ, رومان ابراموۆيچ, سۋلەيمان كەريموۆ جەنە "كاسپەرسكيي لابوراتوريياسى" كومپانيياسىن قۇرعان ەۆگەنيي كاسپەرسكيي تۇر.
