اقش دەرەكتەرٸنە قاراعاندا, رەسەي ۋكراينانىڭ شىعىسىندا "لۋگانسك حالىق رەسپۋبليكاسى" (لحر) جەنە "دونەتسك حالىق رەسپۋبليكاسى" (دحر) دەپ ٶزٸن ٶزٸ جارييالاپ العان سەپاراتيستٸك قۇرىلىمداردى اننەكسييالاۋدى, بۇعان قوسا ۋكراينانىڭ حەرسون وبلىسىندا "حەرسون حالىق رەسپۋبليكاسى" دەيتٸن تاعى بٸر سەپاراتيستٸك قۇرىلىم جارييالاعاننان كەيٸن, ونىڭ "تەۋەلسٸزدٸگٸن" مويىنداۋدى جوسپارلاپ وتىر, دەپ حابارلايدى ازاتتىق.
بۇل تۋرالى دٷيسەنبٸدە اقش-تىڭ ەۋروپاداعى قاۋٸپسٸزدٸك جەنە ىنتىماقتاستىق ۇيىمىنداعى ەلشٸسٸ مايكل كارپەنتەر اقش بارلاۋى مەلٸمەتٸنە سٷيەنٸپ مەلٸمدەدٸ. مەسكەۋ "سەپاراتيستەر باقىلاۋىنداعى لۋگانسك ەرٸ دونەتسك وبلىستارىندا جالعان رەفەرەندۋمدار ٶتكٸزبەكشٸ, سٶيتٸپ ولاردى رەسەيگە قوسىپ الماقشى" دەپ حابارلادى كارپەنتەر. ونىڭ سٶزٸنشە, مەسكەۋ ۋكراينانىڭ حەرسون وبلىسىندا "تەۋەلسٸزدٸك" جٶنٸندە داۋىس بەرۋدٸ ۇيىمداستىرۋدى ەزٸرلەپ جاتقانىن اڭعارتاتىن بەلگٸلەر دە بار.
"بٸز دەموكراتييالىق جەنە سايلاۋ زاڭدىلىعىن كٶزبوياۋشىلىق جاساۋعا پايدالانۋدى كٶكسەگەن كرەمل جاساندى رەفەرەندۋمدار ٶتكٸزۋگە تىرىسۋى مٷمكٸن دەپ سانايمىز... مۇنداي جالعان رەفەرەندۋمدار, بۇرمالانعان "داۋىس بەرۋ قورىتىندىلارى" زاڭدى دەپ مويىندالمايدى, ۋكراينا جەرٸن قوسىمشا اننەكسييالاۋدى كٶزدەيتٸن كەز-كەلگەن ۇمتىلىس تا زاڭدى دەپ مويىندالمايدى", - دەپ مەلٸمدەدٸ كارپەنتەر.
ونىڭ سٶزٸنشە, مۇنداي تالپىنىس مامىردىڭ ورتاسىندا جاسالۋى مٷمكٸن. رەسەي ەسكەرٸ ٶزٸ باسىپ العان اۋماقتاعى جەرگٸلٸكتٸ مەكتەپتەردە رەسەي مەكتەپتەرٸنە ارنالعان وقۋ باعدارلاماسىن ەنگٸزۋ جوسپارى, قالالار مەرلەرٸ مەن جەرگٸلٸكتٸ كەڭەستەر مٷشەلەرٸنٸڭ ۇرلانۋى, ولاردى ينتەرنەت پەن ۇيالى بايلانىس جەلٸسٸنەن اجىراتۋ ەلگٸندەي جوسپار بارىن مەڭزەيدٸ.
